Johan 7:28 - Tedim Bible

²⁸ Tua ahih manin biakinn sungah a gen mah bangin mi khempeuh zakin genkhia a, “Kei hong theitel taktak a, ka hong piankhiatna mun a thei takpi mah na hi uh hiam? Keima thu tawh a hong paitawm ka hi kei hi; kei a hong sawl a thuman pa a thei lo na hi uh hi.

Tedim Bible Revision 2017

²⁸ Tua ahih manin biakinn sungah a gen mah bangin mi khempeuh zakin gen khia a, “Kei hong thei tel taktak a, ka hong pian khiatna mun a thei takpi mah na hi uh hiam? Keima thu tawh a hong pai tawm ka hi kei hi; kei a hong sawl a thuman pa a thei lo na hi uh hi.

Johan 7:28 Iomraidhean Croise

Late 9:10

Topa aw, nang a hong zongte nusia lo na hih manin, na min a theite in nang hong muang uh hi.

Jeremiah 31:34

Kuamah in midangte le a sanggamte uh kiangah, ‘Topa thei in,’ ci-in a kihilh nawn kei ding uh hi; bang hang hiam cih leh Topa in kong cihin-ah, amaute in a neupen panin a lianpen dongin, a vekpi-un kei a hong thei ding uh hi. Bang hang hiam cih leh amau’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Jeremiah 9:6

Siatna khat khit siatna khat, a banbanin gamta uh a, zuau zong a phuakphuak uh hi. Kei hong thei nuam lo uh hi, Topa in a ci hi.

Hosea 4:1

Israel mite aw, Topa’ thugen ngai un. Hih gam sungah a teng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Hosea 5:4

Amaute’ gamtatna in a Pasian kiang uh zuansak thei lo hi. Amaute in nakpitakin milim biaknopna lungsim nei uh ahih manin Topa phawk kha lo uh hi.

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Mattiu 2:23

Nazareth khua-ah a teng uh hi. Kamsangte in, “Amah pen Nazareth khuami kici ding hi,” ci-in a genkholhna a tun nadingin hih bangin a piang ahi hi.

Mattiu 26:55

Tua ciangin Jesuh in mihonte kiangah, “Gal le sa bangin hong ngaihsun a, keimah a man dingin namsau le molhtum tawh hong kuan na hi uh hiam? Nisimin biakinn sungah thu ka hilh niloh a, ahi zongin kei nong man kei uh hi.

Luka 10:22

Tua ciangin Jesuh in amaute kiangah, “Hih nate khempeuh ka Pa in kei tungah hong ap khinzo hi. Pasian simloh, Tapa a thei kuamah om lo hi. Tapa le Tapa in a theihsaknop mite simloh, Pa a thei kuamah om lo hi,” a ci hi.

Luka 2:11

Tuni-in David khuapi sungah, note a hong honkhia ding Khrih Topa a suak hi.

Luka 2:39

Amaute in Topa’ Thukham tawh kizui-in hih ding a kisam khempeuh a bawl khit uh ciangin Galilee gam, amau khua Nazareth-ah a ciahkik uh hi.

Luka 2:4

Josef zong David’ suante khat ahih manin Galilee gam sung Nazareth khua panin David’ suahna khua ahi Judea gam Bethlehem khua-ah a pai hi.

Luka 2:51

Tua ahih ciangin a nu le a pa zui-in Nazareth khua-ah ciahkik a, amaute’ thu mangin tua lai-ah hoihtakin a om hi. A nu in hih thu khempeuh a lungsim sungah ngaihsunsun hi.

Johan 1:46

Nethanel in, “Nazareth khua panin bang hong piang peuhmah ding ahi hiam?” na cihsan hi. Ahi zongin Filip in, “Hong pai inla, hong mu dih in,” a ci hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasian’ Tapa ka hi hi,’ ka cih ciangin bang hangin Pasian simmawhbawl hong cithei na hi uh hiam?

Johan 12:49

Bang hang hiam cih leh keima utthu tawh thu a mawkgen ka hi kei a, kei hong sawl Pa Pasian in ka gen ding thuteng a hong piak ahi hi.

Johan 14:10

Kei pen Pa tawh pumkhat ka hih lamtak um lo na hi hiam? Note tungah ka hong gen thute keima thu bek tawh a hong gen ka hi kei a, kei tawh a om Pa Pasian in na semin a hong gen ahi hi.

Johan 14:31

Ahi zongin leitung mite in Pa Pasian ka itna thu a theih nadingun Pa’ vaihawmna bangbangin a gamta ding ka hi hi. Tua ahih manin kithawi un; hih lai mun panin paikhia ta ni,” a ci hi.

Johan 16:3

Amaute in ka Pa ahi a, kei ahi zongin hong thei lo uh ahih manin tu-a bangin note a hong bawl ding uh ahi hi.

Johan 17:25

A Thuman ka Pa aw, leitung mite in nang hong thei lo uh hi. Ahi zongin keimah in nang ka hong thei a, kei na hong sawlna thu hih mite in zong a thei uh hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Johan 3:2

Khatvei zan khuamial laitakin Jesuh kiangah va pai a, “Sia aw, mi khat peuhpeuh Pasian in ompih lo hileh hih na lamdangte kuamah in bawl thei lo ding ahih manin nang pen Pasian’ hong sawl siapa na hihna ka hong thei uh hi,” a ci hi.

Johan 3:33

Ama thugen a umte pen, Pasian’ thugen man hi, ci-in a um ahi uh hi.

Johan 5:32

Tua ahih manin keima a’ ding teci a pang ding mi khat om a, keima thu genin teci a panna thuman hi, ci-in ka thei hi.

Johan 5:43

Ka Pa’ thu tawh kei hong pai napi-in na hong sangnuam kei uh hi. Tua hinapi-in midang khatpeuh ama thu tawh hong paitawm leh na sang ding uh hi.

Johan 6:42

“Hih Jesuh pen a nu le a pa i theih hi a, Josef’ tapa hi lel hi lo ahi hiam? Tua hinapi-in bang hangin, ‘Vantung panin ka hong pai,’ cithei peuhmah ahi hiam?” ci-in a kiphunsan uh hi.

Johan 7:14

Pawi kham hunsung alang bang a bei khit ciangin biakinn sungah Jesuh lutin thuhilh ding a kipan hi.

Johan 8:14

Jesuh in, “Kei le kei a kigentawm ka hih hangin ka thugente a man mah hi veve hi. Bang hang hiam cih leh koi panin hong pai-in koi lai-ah pai ding cih ka kithei a, note in kei ka hong paikhiatna le ka pai nading a thei lo na hizaw uh hi.

Johan 8:16

Mi mawhsakin thu a khen hita mah leng zong, a thukhen pen kei bek hi loin kei a hong sawl Pa Pasian le keimah in a khenkhawm ka hih manun ka thukhennate a man taktak ahi hi.

Johan 8:19

Tua ciangin amaute in, “Na pa koi-ah om ahi hiam?” ci-in dong uh a, Jesuh in, “Kei ka hi a, ka Pa ahi zongin na hong thei kei uh hi. Kei hong thei hi le-uhcin ka Pa zong na thei ding uh hi,” ci-in a dawng hi.

Johan 8:26

Note’ thu genin, note’ thu ka khen ding tampi tak om hi. Kei a hong sawl pa a thuman a thutak hi a, ama tung panin ka zaksa thute bek leitung mite tungah a pulak ka hi hi,” ci-in a dawng hi.

Johan 8:42

Jesuh in, “Kei pen Pasian kiang panin hong pai-in hih lai-ah hong om ka hih manin, Pasian pen na pa taktak uh hileh kei na hong it ding uh hi. Keima thu-in a hong paitawm ka hi kei a, ama hong sawl ka hi hi.

Johan 9:29

Pasian in Moses a hopihna thu ka thei uh a, hih mipa ahihleh koi lai panin hong piang ahi hiam cih nangawn ka thei kei uh hi,” a ci uh hi.

Sawltak 17:23

Na khuasung uhah ka pai kawmin na biakna munte uh ka et ciangin, ‘A Kithei lo Pasian a’ ding,’ ci-in biakna tau tungah lai a kigelh nangawn ka mu hi. Tu laitakin kei’ hong pulak Pasian pen, thei lo napi-in na biakbiak uh Pasian ahi hi.

ROM (Romans) 1:28

Mite in a man ahi Pasian’ thu ngaihsutin nei nuam lo uh ahih manin amaute’ ngaihsut hoih lo bangin a gamtat theih nadingun Pasian in a khahkhia hi. Tua ahih manin a gamtat dingun a kilawm lopipi-in a gamta uh hi.

ROM (Romans) 3:4

Tua bang hi het lo hi. Lai Siangtho sungah, “Thu na gen peuhmah ciangin a man na genna thu mite in hong thei ding uh a, mite in nang hong mawhsakna na genkik ciangin na kiphellah ding khat beek om lo ding hi,” ci-in a kigelh mah bangin mi khempeuh in zuau a gen zongin Pasian in thuman gen veve ding hi.

2 KORIN NIHNA 1:18

Pasian a thuman a citak ahih mah bangin note tungah ka hong gente uh zong a kheel themthum ka hi kei uh hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Hebru 6:18

Tua hi a, a kikheel thei lo thu nih kithuap ahih manin Pasian in zuau gen thei lo ding hi. Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi.

1 JOHAN MASA 5:10

Tua ahih manin Pasian’ Tapa a um mi peuhmah in Pasian’ teci panna a sang ahi hi. Ahi zongin Pasian’ thugen a um lo mi peuhmah in ama Tapa thu teci pangin a gennate a um lo uh ahih manin Pasian pen zuaugen a suaksak ahi uh hi.

1 SAMUEL MASA 2:12

Eli’ tapate pen bangmah a man lo mite ahi uh hi. Amaute in Topa zahtakna nei lo uh hi.