Johan 7:19 - Tedim Bible

¹⁹ Moses in note tungah Thukham hong pia napi-in kuamah in na zui kei uh hi. Tua hinapi, bang hangin thah dingin kei hong sawm na hi uh hiam?” a ci hi.

Tedim Bible Revision 2017

¹⁹ Moses in note tungah Thukham hong pia napi-in kuamah in na zui kei uh hi. Tua hi napi, bang hangin thah dingin kei hong sawm na hi uh hiam?” a ci hi.

Johan 7:19 Iomraidhean Croise

Mattiu 12:14

Ahi zongin Farisi mite paikhia uh a, Jesuh a thahtheih nading uh vai a hawm uh hi.

Mattiu 21:38

Ahi zongin lo khawhlawhte in a tapa a muh uh ciangin, ‘Hih pa pen a gamhluah ding pa ahi hi. Hong pai un; amah thatin a luah dingteng eite inla ni,’ a kici uh hi.

Marka 11:18

Siampi liante le Thukham hilh siate in hih thu a zak uh ciangin Jesuh a thahtheih nading uh lampi a zong uh hi. Ahi zongin mihonpi in ama thuhilhna lamdangsa uh ahih manin amaute in Jesuh a kihta uh hi.

Marka 3:4

Tua ciangin mite kiangah, “Sabbath ni-in bang i hih ding i Thukham in hong deih ahi hiam? Huh ding maw, gimsak ding; mi khat a nuntakna hot ding maw, thah ding; koi hong deihzaw ahi hiam?” ci-in a dong hi. Ahih hangin kuamah in dawng lo hi.

Marka 3:6

Tua ahih ciangin kikhopna inn panin Farisi mite paikhia-in Herod pawlte kimkhat tawh kikhopna neipah uh a, Jesuh a thahtheih nading uh a vaihawm uh hi.

Johan 1:17

Pasian in Moses tungtawnin Thukham hong pia a, ahi zongin Jesuh Khrih hangin itna le cihtakna thu hong pai hi.

Johan 10:39

Tua ciangin amaute in Jesuh matsawm uh hi; ahi zongin amaute’ khutsung panin Jesuh a suakta hi.

Johan 11:53

Tua ahih manin tua hun a kipanin Jesuh a thahtheih nadingun a vaihawm uh hi.

Johan 5:16

Tua ahih manin Jesuh in Sabbath ni-in cina a damsakna hangin amaute in Jesuh bawlsiat ding a kipan uh hi.

Johan 5:18

Hih bangin ama kampauna hangin amaute in Jesuh thatnuam semsem uh hi. Amah in Sabbath thukham a palsat bek hi loin, Pasian nangawn ka Pa ci ahih manin Pasian tawh a kikimin kiseh hi, ci-in a mawhsak uh hi.

Johan 5:45

Hih bangin ka hong gen ciangin ka Pa kiangah note a hong mawhsak ding pa hi, ci-in hong ngaihsun kei unla, note in suan belin na neih uh Moses pen a hong mawhsak ding pa ahih zawkna thu thei ta un.

Johan 7:1

Tua khit ciangin Galilee gam sungah Jesuh zin kawikawi hi. Jerusalem khua-a om Jew mi uliante in amah thatnuam uh ahih manin Judea gam sungah zin nuam nawn lo hi.

Johan 7:25

Jerusalem khuami pawlkhat in, “Thah dingin a sawm pa uh hih pa hi lo ahi hiam?

Sawltak 7:38

Amah pen Israel mite tawh gamlakah a om pa hi a, Sinai Mual tunga ama kiangah thu a gen vantungmi le i pute tawh a kikhawlpa ahi hi. Eite tungah hong gensawn dingin Pasian kiang panin a tul ngei lo thu a ngah ahi hi.

Galati 3:19

Tua ahihleh Thukham bangin a kimang ding ahi hiam? Khialhna cih bang ahi hiam, cih a kitheih nadingin thuciamna banah hong kipiathuah hi a, thuciam a kipiakna, Abraham’ suan pa’ hun ciang dong bek a kimang dingin a kingaihsun ahi hi. Mihingte tungah Thukham hong kipiak lai-in vantungmi hong kisawlsawn a, mihing ahi Moses tungah hong kipiasawn hi.

Galati 6:13

Vun-atna a zang mite nangawn in Thukham zuinuam tuan lo uh hi. Hih a pualam gamtatna thu note in na zuihna hangun kisialnuam uh ahih manin note in vun-atna na zat ding uh a hong deih uh ahi hi.

Thu-hilhkikna 1:17

Thukhenna-ah angvan na nei kei ding uh hi. A neu le a liante a kibangin a thu na ngai ding uh a, maitang zahtak tuam na nei kei ding uh hi. Bang hang hiam cih leh thukhenna pen Pasian-a’ ahi hi. Note a dingin a haksa lua thute kei kiangah nong paipih ding uh a, keimah in tua thu ka za ding hi,’ ka ci hi.

Thu-hilhkikna 33:4

Jakob mihonte’ neih dingin Moses in kote tungah ngeina khat hong pia hi.