Johan 7:17 - Tedim Bible

¹⁷ Pasian’ deihna bangin a gamta nuam mi peuhmah in, ka thugente pen Pasian’ kiang panin a hong pai thu a gen ka hihna leh keima thu bek tawh a gen ka hihna khenthei ding uh hi.

Tedim Bible Revision 2017

¹⁷ Pasianʼ deihna bangin a gamta nuam mi peuhmah in, ka thugente pen Pasianʼ kiang panin a hong pai thu a gen ka hihna leh keima thu bek tawh a gen ka hihna khen thei ding uh hi.

Johan 7:17 Iomraidhean Croise

Late 119:10

Ka lungsim khempeuh tawh nang ka hong zong hi. Na thupiaknate panin kei hong pialsak kei in.

Late 25:12

Topa a zahtak mi kua ahi hiam? Ama lampi zuih ding Pasian’ hilhna a ngah mi ahi hi.

Late 25:14

Topa tawh kilawmtatna pen amah a zahtakte a’ ding hi a, a thuciamna amau tungah kitheithangsak hi.

Paunak 28:5

Mi siahuaite in thutang cihmel thei lo uh a, Topa a biate in ahihleh a kicingin a thei uh hi.

Paunak 3:32

Bang hang hiam cih leh Topa in a sia-in a gamtate mudah a, thuman mite bek a pawlpih dingin a la hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi. A siang lo mite in tua tung tawn ngei lo ding a, mihaite in tua lam a zui mite khialsak nawn lo ding hi.

Daniel 12:10

Mi tampite kisiansuahin a hoih le a hoih lo a kikhentel ding uh hi. Migilote in bangmah theitel thei lo uh ahih manin a gilo semsem ding uh hi. Ahih hangin mipilte in theihtel theihna a nei ding uh hi.

Hosea 6:3

Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Micah 4:2

Minam tampite hong pai-in, “Israel mite’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong gingkhia a, Jerusalem panin Topa’ thu hong paikhia hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Mattiu 6:22

“Mittang pen pumpi a dingin meivak tawh kibang hi. Na mit uh ciim leh na pumpi un hoihtakin khua mu thei hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Johan 3:21

Ahi zongin thumanin a gamta mite ahihleh a gamtatnate uh Pasian’ deihna tawh kituak hi, ci-in a kilatsak theih nadingun khuavak sungah a pai uh hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Johan 8:47

Pasian kiang panin a paite in Pasian’ thugen za thei hi. Ahi zongin note pen Pasian kiang pan hi lo na hih manun Pasian’ thu na ngai nuam kei uh hi,” ci-in a dawng hi.

Sawltak 17:11

Thesalonika khuamite sangin Berea khuamite in mipi lungsim neizaw uh hi. Amaute in lawp mahmahna tawh Paul’ thugente ngai uh a, Paul’ thugente man taktak hiam ci-in a theih nadingun nisimin Lai Siangtho a sim uh hi.