Johan 7:12 - Tedim Bible

¹² Ama thu hangin mihonte lakah kam kihona tampi om a, “Amah mi hoih mahmah khat hi,” ci uh a, pawlkhat in, “Mi khemin a lam khialhpih ding pa ahih manin mihoih hi het lo hi,” a ci uh hi.

Tedim Bible Revision 2017

¹² Ama thu hangin mihonte lakah kam kihona tampi om a, “Amah mihoih mahmah khat hi,” ci uh a, pawl khat in, “Mi khemin a lam khialhpih ding pa ahih manin mihoih hi het lo hi,” a ci uh hi.

Johan 7:12 Iomraidhean Croise

Mattiu 10:25

Tua ahih manin sang naupangte pen a siapa uh tawh a kibat uhleh a lungkim ding uh hi a, silate pen a tote uh tawh a kibat uhleh a lungkim ding uh ahi hi. Innteek lutang pa pen Beelzebul hong ci uh ahihleh a innkuanpih mite tua sangin min siazaw tawh hong kozaw lai ding uh hi lo ahi hiam?

Mattiu 21:46

Jesuh a man dingin kithawi uh a, ahi zongin mihonte in kamsang khatin ngaihsun uh ahih manin mihonte a kihtak manun a man ngam kei uh hi.

Mattiu 27:63

“Topa aw, hih mi khem pa in a nuntak lai-in, ‘Ni thum khit ciangin ka hingkik ding hi,’ ci-in a thugenna ka thei uh hi.

Luka 18:19

Jesuh in, “Bang hangin kei midik hong ci na hi hiam? Pasian simloh kuamah a diktatzo om lo hi.

Luka 23:47

Galkap mangpa in hih thupiang a muh ciangin Pasian phat a, “Hih pa, mihoih taktak khat ahi hi,” a ci hi.

Luka 23:50

Tua laitakin Josef a kici mi khat om a, Judea gam sunga om Arimathea khuami ahi hi. Amah pen mihoih, a zahtakhuai mi khat hi a, Pasian’ Uk ding hun lamenin a ngakngak mi khat ahi hi. Amah pen ulian thuvaihawm sunga kihel hi a, ahi zongin a lawmte’ vaihawmna leh a nasepnate uh thukimpih lo hi.

Luka 6:45

Mihoih pa in a lungsim sunga thuhoih omteng hong suahkhia a, migilo pa in a lungsim sunga a gitlohna teng hong suahkhia hi. Bang hang hiam cih leh mite pen amau’ lungsim sunga a om bangbang a hong paukhia uh ahi hi.

Luka 7:16

Amaute khempeuh in lamdangsa mahmah uh a, Pasian min phatin, “Eite lakah kamsang lian khat hong om khinta a, a mite a honkhia dingin Pasian hong pai khinta hi,” a ci uh hi.

Johan 6:14

Jesuh’ nalamdang bawl a muh uh ciangin tua lai-a om mihonpite in, “Leitungah kamsang hong pai ding a kici pa pen hih pa hi taktak hi,” a ci uh hi.

Johan 7:32

Hih bangin mihonpite a kihona thu Farisi mite in za uh ahih manin amaute le siampi liante in Jesuh a man dingin biakinncing palikte pawlkhat a sawl uh hi.

Johan 7:47

Farisi mite in, “Note zong hong khem khinzo ta ahi hiam?

Johan 7:52

Tua ciangin amaute in, “Nang zong Galilee gammi na hi hiam? Lai Siangtho sung sim lecin Galilee gam sung panin kamsang khat beek a pian’ ngei lohna thu na thei ding hi,” a ci uh hi.

Johan 9:16

Farisi mi pawlkhat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawlkhatte in, “A gamta khial mi in bang hangin hih bangin nalamdang bawlthei ding ahi hiam?” ci leuleu ahih manin mite’ ngaihsutna kituak lo hi.

Sawltak 11:24

Barnabas pen mihoih mahmah, upna nei-in, Kha Siangtho tawh a kidim mi khat ahi hi. Mi tampi in Pasian a um uh hi.

ROM (Romans) 5:7

Mihoih khat a dingin a si ngam a omkha ahi zongin thukham zuizo mipa a dingin sih ngam nading a thu haksa mahmah khat ahi hi.

Filippi 2:14

Na khempeuh phun lo, thu nial loin sem un.