Johan 6:70 - Tedim Bible

⁷⁰ Tua ciangin Jesuh in, “Note na sawm le nih mahun ka hong teel hinapi-in khat pen dawi na suakmawk uh hi,” a ci hi.

Tedim Bible Revision 2017

⁷⁰ Tua ciangin Jesu in, “Note na sawm le nih mahun ka hong teel hi napi-in khat pen dawi na suak mawk uh hi,” a ci hi.

Johan 6:70 Iomraidhean Croise

Johan 13:18

“Hih bangin ka hong genna in note khempeuh hong huam kim lo hi. Ka teelsa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Johan 13:2

Jesuh le a nungzuite nitak an ne-in a tukhawm uh hi. Tua hun laitakin dawimangpa in Simon Iskariot’ tapa Judas’ lungsim sungah Jesuh lehhek nading ngaihsutna koih khinzo hi.

Johan 13:21

Jesuh in hih thuteng a genkhit ciangin lungkham mahmah ahih manin, “A mantakin ci lehang, note khat in kei nong lehhek ding uh hi,” ci-in a kilangin a genkhia hi.

Johan 13:27

Judas in tua an a nek khit phetin ama sungah Satan hong lutpah hi. Tua ahih manin Jesuh in ama kiangah, “Na hih ding peuhpeuh hihpak in,” a ci hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Johan 15:19

Hih leitung mite tawh a kipawl hi le-uhcin leitung mite in amau pawlte hong it ding hi. Ahi zongin hih leitung mite lak panin note ka hong teelkhia a, amaute tawh kipawl nawn lo na hih manun a hong mudah ahi uh hi.

Johan 17:12

Amaute tawh ka omkhawm hun lai-in nangma hong piak na min vangliatna tawh amaute ka kem hi. Amaute ka hu a, a maimang ding pa simloh khat zong ka kisamsak kei hi. Tua a maimang pa lah Lai Siangtho sung thu a tun nading ahi hi.

Johan 2:2

Jesuh le a nungzuite zong tua pawi-ah a kisam hi.

Johan 20:24

Nungzuite kiangah Jesuh a kilah laitakin sawm le nihte sung panin Unau Peeng minno a nei Thomas om lo hi.

Johan 6:64

Tua hinapi-in note pawlkhat in na um kei uh hi,” a ci hi. (Jesuh in a kipat cil pek a kipanin kuateng in ama thu um ding a, kuateng in amah lehpei ding cih thu thei khinzo hi.)

Johan 6:67

Tua ahih manin Jesuh in a nungzui sawm le nihte kiangah, “Note zong na ciahkik nuam mai uh hiam?” a cih ciangin

Johan 6:71

Sawm le nihte sung panin amah a lehpei ding ahih manin Simon Iskariot’ tapa Judas thu a genna ahi hi.

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Sawltak 1:17

Judas pen eite tawh na a semkhawm dingin a kiteelkhia ahih manin eima pawl mi ahi hi.

Sawltak 13:10

“Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topa’ thuman pen zuau suahsak ding na hanciam tawntung hi.

1 TIMOTI MASA 3:11

A zite uh zong a gamtat hoih mi hi-in, mi gensiat a hat lote hi ding uh a, lungsim citak, thu khempeuhah a thuman mi hi ding uh hi.

Titu 2:3

Tua mah bangin mite in Pasian’ thu a gensiatkhak loh nadingun numei khanghamte zong a gamtat a khuahek uh a zahtakhuai ahih nading, mi gensiate ahih loh nading, zunek kiphamawhte ahih loh nading, thuhoih thupha hilhin,

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpa’ mi ahi hi. Hih Dawimangpa’ nasepna a beisak dingin Pasian’ Tapa a hong pai hi.