Johan 6:56 - Tedim Bible

⁵⁶ Ka sa ne-in ka si a dawnte pen kei tawh pumkhat ka hi uh hi.

Tedim Bible Revision 2017

⁵⁶ Ka sa ne-in ka si a dawnte pen kei tawh pum khat ka hi uh hi.

Johan 6:56 Iomraidhean Croise

Late 90:1

Topa aw, khang tawntungin kote’ omna mun na hi hi.

Late 91:1

Sangpenpa’ liahna sung, Vanglianpa’ liim sungah a om mi khempeuh in

Late 91:9

Nangmah in Topa pen na buk nadingin bawlin, Sangpenpa, nang a hong hu dingin bawl khin na hih manin

Kah la 3:24

Topa longal neihdang nei lo ka hih manin ama tung bekah lametna ka nei hi.

Johan 14:20

Tua hun ciangin Pa sungah kei ka omna thu, le note sungah ka hong om mah bangin keima sungah na omna thu uh na thei ding uh hi.

Johan 14:23

Jesuh in, “Kei hong itte in ka thu zui ding uh hi. Ka Pa in zong it ding a, ka nihun tua mite kiangah pai-in amaute tawh ka omkhawm ding uh hi.

Johan 6:55

Bang hang hiam cih leh ka sa, an taktak hi a, ka sisan, dawn ding tui taktak ahi hi.

2 KORIN NIHNA 6:16

Pasian’ biakinn le lawkite’ milim bangci kilem theih ding ahi hiam? Bang hang hiam cih leh Pasian in, “Ka mite lakah tengin amaute tawh ka omkhawm ding hi. Kei pen amaute’ Pasian ka hi ding a, amaute, keima mi ahi ding uh hi.

Efesa 3:17

na upna hangun note lungsim sungah Khrih hong tengin, itna thu-ah zung thuk kha-in bulkip na neih nadingun thu ka ngen hi.

1 JOHAN MASA 2:24

Note in ahihleh a kipat cil a kipan na zak uh thute hoihtakin na zui un. A kipat cil a kipan na zak uh thute hoihtakin na zuih nak-uhleh Tapa tawh kipawlin, Pa Pasian tawh zong a kipawl na hi ding uh hi.

1 JOHAN MASA 3:24

Pasian’ thupiakna a zui mi khempeuh, Pasian tawh om uh a, Pasian in zong amaute a ompih hi. Pasian in eite tungah a hong piak Kha Siangtho hangin Pasian in eite a hong ompihna thu i thei hi.

1 JOHAN MASA 4:12

Kuamah in Pasian mu ngei lo hi. Ahi zongin eite khatlekhat i ki-it leh eite tawh Pasian hong omkhawm a, ama itna eite lakah a cingtaakin a om ahi hi.

Mangmuhna 3:20

Kongkhakah dingin kong ka hong kiu hi. Ka aw za-in kong hong honte kiangah lutin an ka nekhawm ding uh hi.