Johan 6:53 - Tedim Bible

⁵³ Tua ahih manin Jesuh in amaute kiangah, “A mantakin kong genin-ah, Mihing Tapa’ sa na nek kei uh a, a sisan na dawn kei uhleh note sungah nuntakna om lo ding hi.

Tedim Bible Revision 2017

⁵³ Tua ahih manin Jesu in amaute kiangah, “A mantakin kong genin ah, Mihing Tapaʼ sa na nek kei uh a, a sisan na dawn kei uh leh note sungah nuntakna om lo ding hi.

Johan 6:53 Iomraidhean Croise

Mattiu 18:3

“A man mahmahin note kiangah kong genin-ah: Note kikheelin naupang na bat kei uhleh vantung ki-ukna sungah na lut ngei kei ding uh hi.

Mattiu 5:18

Hoihtakin na phawk ding uh thu panin: Van le lei a bei mateng, hih thukhamte a neupen khat nangawn’ deihna tangtung lopi-in mawkmai lo ding hi.

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Luka 13:3

Hilo hi. Ke’n kong cihin-ah, na mawhna panun na kisik kei uhleh amaute mah bangin note zong na si ding uh hi.

Luka 13:5

Hilo hi. Ke’n kong cihin-ah, na mawhna panun na kisikkik kei uh leh note zong amaute mah bangin na si ding uh hi,” a ci hi.

Johan 13:8

Peter in, “Nang peuhmah ka khe ka hong silsak ngei buang kei ding hi,” a cih ciangin, “Na khe hong silsak kei leng, kei tawh na kipawl thei nawn kei ding hi,” a ci hi.

Johan 15:4

Kei tawh hong kizom paisuak le-uhcin kei zong note tawh a kizom paisuak ka hi ding hi. A hiang pen a gui tawh kizom kei leh gah a gah theih loh mah bangin note zong kei tawh na kizop kei uhleh gah na gah thei kei ding uh hi.

Johan 3:3

Jesuh in, “A mantakin kong genin-ah, mi khatpeuh a suahkik kei leh Pasian’ Ukna sungah lut thei lo ding hi,” a ci hi.

Johan 3:36

Tua ahih manin Tapa a um mi peuhmah nungta tawntung ding a, Tapa’ thu a mang lote in nuntak mu lo ding a, amaute tungah Pasian heh tawntung ding hi,” a ci hi.

Johan 3:5

Jesuh in, “A mantakin kong genin-ah, mi khatpeuh tui le Kha Siangtho tawh a suahkik kei leh Pasian’ Ukna sungah lut thei lo ding hi.

Johan 6:47

A mantakin kong genin-ah, kei hong umte bek in nuntak tawntungna ngah hi.

Johan 6:51

Kei pen vantung panin a hong paisuk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Johan 6:55

Bang hang hiam cih leh ka sa, an taktak hi a, ka sisan, dawn ding tui taktak ahi hi.

Johan 6:62

Mihing Tapa ama omna ngei-ah a ciahto kik a mu hi le-uhcin bang na ci ding uh hiam?

1 JOHAN MASA 5:12

Pasian’ Tapa tawh a kipawl peuhmah in nuntak tawntungna nei a, Pasian’ Tapa tawh a kipawl lote in nuntak tawntungna nei lo uh hi, cihna ahi hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawlkhat le min thak a kigelhna suangkang khat ka pia ding hi. Tua suangkang pen a ngahte simloh kuamah dang in thei lo ding hi.

Mangmuhna 2:7

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mite tungah, Pasian’ Huan sunga om nuntakna singgahte a nektheih nadingun thu ka pia ding hi.