Johan 6:41 - Tedim Bible

⁴¹ Jesuh in, “Kei pen vantung panin a hong pai an ka hi hi,” a cihna hangin mihonte phun ngeingai uh a,

Tedim Bible Revision 2017

⁴¹ Jesu in, “Kei pen vantung panin a hong pai an ka hi hi,” a cihna hangin mihonte phun ngeingai uh a,

Johan 6:41 Iomraidhean Croise

Luka 15:2

Farisi mite le Thukham hilh siate phun uh a, “Hih mipa, mawhneite tawh kikhawlin an nangawn nekhawm hi,” a ci uh hi.

Luka 19:7

Hih thu a thei mi khempeuh phun uh a, “Mimawh pa’ inn-ah a giak dingin Jesuh a pai hi,” a ci uh hi.

Luka 5:30

Farisi mite le amau sung panin Thukham hilh siate, nungzuite tungah phun uh a, “Bang hangin siahdongte le thukham khial mite tawh an nekhawm na hi uh hiam?” a ci uh hi.

Johan 1:19

Jerusalem khua-a Jew mi uliante in Johan kiangah siampite le Levi mite paisak uh a, “Nang kua na hi hiam?” ci-in a dongsak uh hi.

Johan 6:33

Pasian in a hong piak an pen vantung panin hong pai-in leitung mite a nungtasak pa ahi hi,” a ci hi.

Johan 6:43

Tua ciangin Jesuh in, “Note khatlekhat kiphunsan kei un.

Johan 6:48

Kei pen nuntakna an ka hi hi.

Johan 6:58

Tua ahih manin kei pen vantung panin a hong pai an ka hi a, na pu na pate un ne-in a sih veve-na ante tawh kibang lo hi. Hih kei’ hong piak an a nete ahihleh nungta tawntung ding hi,” a ci hi.

Johan 6:60

A nungzuite nangawn un hih thu a zak ciangun, “Hih thugen haksa lua hi. Kua in zuizo ding ahi hiam?” a ci uh hi.

Johan 6:66

Hih bangin a thugenna hangin a nung a zui a thungai mi tampi kileh kikin Jesuh zui nawn lo uh hi.

Johan 7:12

Ama thu hangin mihonte lakah kam kihona tampi om a, “Amah mi hoih mahmah khat hi,” ci uh a, pawlkhat in, “Mi khemin a lam khialhpih ding pa ahih manin mihoih hi het lo hi,” a ci uh hi.

1 KORIN MASA 10:10

Amaute pawlkhat bangin Pasian i phunsan kei ding hi. Vantung mite in amaute na sulum hi.

Juda 1:16

Hih mite a tawntungin phunin khatlekhat mawhna kizong uh a, amau pumpi deihna bangun gamta-in kiphasak uh a, phattuamna a ngah theih nadingun midangte a phat uh hi.