Johan 6:30 - Tedim Bible

³⁰ Tua ciangin amaute in, “Kote in mu-in ka hong uptheih nadingun bang nalamdang hong bawl ding a, bang hong sem ding na hi hiam?

Tedim Bible Revision 2017

³⁰ Tua ciangin amaute in, “Kote in mu-in ka hong up theih nadingun bang nalamdang hong bawl dinga, bang hong sem ding na hi hiam?

Johan 6:30 Iomraidhean Croise

1 KUMPI MASATE 13:3

Tua ciangin tua ni mahin amah in lim khat pia a, “Hih pen Topa in thu a gen khitna lim ahi hi: ‘En in, biakna tau kitam khamin a tunga om vutte kithehthang ding hi,’ ci hi,” a ci hi.

1 KUMPI MASATE 13:5

Topa’ sawlna bangin Pasian’ mipa in lim khat a piakna tawh kizui-in biakna tau zong kiphelkhamin biakna tau panin a vutte kithehthang hi.

Paikhiatna 4:8

Pasian in, “Amaute in nang hong up kei a, lim masa a thudon kei uhleh zong, amaute in lim nunung um kha ding uh hi.

Paikhiatna 7:9

“Faro in note kiangah, ‘Note a thutak na hihna uh nalamdang khat tawh hong lak un,’ hong cih ciangin nangmah in Aaron kiangah, ‘Gulpi khat a suah theih nadingin na ciangkhut la inla, Faro’ mai-ah khia suk in,’ ci in,” a ci hi.

Marka 15:32

Israel mite’ kumpipa Khrih tu-in singlamteh tung panin hong kumsuk leh amah um ni!” a kici uh hi. Jesuh tawh a kikhai khawm mi nihte in zong a simmawhbawl uh hi.

Marka 8:11

Farisi mite hong pai-in Jesuh tawh thu kinial uh a, amah a mawhsak theih nading uh a deihna-in Pasian tawh kipawl ahihna a lah nadingin lim khat a lah ding a ngen uh hi.

Johan 10:38

Ahi zongin keimah in ka Pa’ na sem ka hih manin keima thu na hong um nuam lo uh ahi ta zongin, Pa tawh pumkhat ka hihna thu na theih nadingun ka nasepnate na up dingun kilawm buang hi,” a ci leuleu hi.

Johan 12:37

Amaute’ muhin Jesuh in hih nalamdang khempeuh a bawl hangin amaute in um lo uh hi.

Johan 2:18

Tua ciangin Jerusalem khua-ah a om Jew uliante Jesuh kiangah hong pai uh a, “Hih bangin na gamtat theih nading thu na neihna bang lim tawh hong lakthei ding na hi hiam?” ci-in a dot uh ciangin

Johan 4:8

Tua laitakin khua sungah an lei dingin Jesuh nungzuite paikhia khin uh hi.

Johan 6:14

Jesuh’ nalamdang bawl a muh uh ciangin tua lai-a om mihonpite in, “Leitungah kamsang hong pai ding a kici pa pen hih pa hi taktak hi,” a ci uh hi.

Johan 6:2

Jesuh in cinate damsakin nalamdang lianpipi a bawlte mi tampi in mukhin uh ahih manin mi tampi tak in Jesuh nung a zui uh hi.

Johan 6:36

Ahi zongin note tungah ka hong gennop thu in: Note in kei hong mukhin napi-in na hong um nuam kei uh hi.

Sawltak 4:30

Cinate damsak theih nading vangliatna hong pia inla, a siangtho na Nasempa Jesuh’ min tawh nalamdang kibawl ta hen,” a ci uh hi.

1 KORIN MASA 1:22

A uptheih nadingun Jew mite in nalamdang kal uh a, Grik mite in pilna a thupisak uh hi.

Hebru 2:4

Amaute’ thugenna banah Pasian in vangliatna lim, le nalamdang a tuamtuamte bawlna tawh hong genbeh lai hi. Tua banah ama hoihsak bangin Pasian in Kha Siangtho zong hong hawm lai hi.