Johan 6:29 - Tedim Bible

²⁹ Jesuh in, “Pasian in a hong sawl pa um le-uhcin Pasian a lungkim nadingin a gamta na hi uh hi,” ci-in a dawng hi.

Tedim Bible Revision 2017

²⁹ Jesu in, “Pasian in a hong sawl pa um le-uhcin Pasian a lungkim nadingin a gamta na hi uh hi,” ci-in a dawng hi.

Johan 6:29 Iomraidhean Croise

Mattiu 17:5

Tua bangin a pau laitakun meiingo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah ding a, a um lo mi peuhpeuh in mawhsakna thuak ding uh hi.

Johan 3:36

Tua ahih manin Tapa a um mi peuhmah nungta tawntung ding a, Tapa’ thu a mang lote in nuntak mu lo ding a, amaute tungah Pasian heh tawntung ding hi,” a ci hi.

Johan 5:39

Nuntak tawntung ngahtheih nading lametna tawh Lai Siangtho sung na lim sim mahmah uh a, tua na sim uh Lai Siangtho in keima thu mah genin teci pang napi-in,

Johan 6:28

Tua ciangin amaute in, “Tua ahihleh Pasian ka lungkimsak theih nadingun bangci gamtat ding ka hi uh hiam?” ci-in a dot uh ciangin

Johan 6:38

Bang hang hiam cih leh keima ut bangin a sem ding hi loin kei hong sawl pa’ deihna bangin a sem dingin vantung panin a hong pai ka hi hi.

Johan 6:57

A nungta Pa Pasian in kei hong sawl ahih manin ama hangin ka nuntak mah bangin keima sa a ne mite zong keima hang mahin nungta ding hi.

Sawltak 16:31

Amaute in, “Topa Jesuh um in. Tua hileh nang le na innkuanpihte in hotkhiatna na ngah ding uh hi,” ci-in a dawng uh hi.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun note’ upna hangin na nuntakziate uh, itna na neih manun nakpitakin na nasepnate uh le i Topa Jesuh Khrih hong paikik ding lametna na neih manun kiptakin na omnate uh ka phawk tawntung uh hi.

Hebru 5:9

Tua bangin a cingtaak mi a suahkhit ciangin ama thu a mang mite khempeuh a dingin tawntung hotkhiatna a kipatna hong suak a,

Jeim 2:22

Tua ahih manin upna le sepna kizom khawm a, sepna in upna a kicinsakna thu na thei uh hi.

1 JOHAN MASA 3:23

Ama hong thupiakna in: A Tapa Jesuh Khrih umin zui-in, Khrih’ hong sawl bangin eite khatlekhat i ki-it ding ahi hi.

1 JOHAN MASA 5:1

Jesuh, Khrih hi, ci-in a um mi khempeuh Pasian’ tate hi a, pa a it mi peuhmah in a ta zong a it hi.

Mangmuhna 2:26

A gualzo, a tawp dongin keima deihna bangin a gamtazo mite tungah, keimah in ka Pa tung panin ka ngah vangliatnate mah ka pia ding hi. Minam dangte tungah ukna a neih nading uh aana ka pia ding a, leibeel satkhap bangin sik ciangkhut tawh minam dangte satgawp ding uh hi.