Johan 6:27 - Tedim Bible

²⁷ A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

Tedim Bible Revision 2017

²⁷ A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

Johan 6:27 Iomraidhean Croise

Late 2:7

Topa’ thukhenna tu-in ka hong gen ding hi: Amah in keima tungah, “Nang pen ka tapa na hi a, tuni-in na Pa ka suak hi.

Late 40:7

Tua ciangin keimah in, “En in, laibu sungah keima thu a kigelh khinsa bangin ka hong pai hi.

Paunak 9:5

“Hong pai unla, ka an huansa ne-in, ka bawlsa leenggahzu hong dawn un.

Thuhilh-sia 6:7

Mihingte’ nasepna pen a nektawm ding bek a ngaihsutna hi lo napi-in, a khamkhop ngahzo tuan lo hi.

Isaiah 42:1

Keimah in ka huh, ka teel, ka lungkimna ka nasempa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

Jeremiah 15:16

Na thute in kei hong kem a, an bangin ka ne hi. Na thute kei a dingin kipahna le lungdamna ahi hi. Bang hang hiam cih leh nangma minin kei hong kilo hi, aw, Topa, Vanglian Pasian aw.

Habakkuk 2:13

Na zawh uh minamte’ nasepnate a mawkna suakin, amau’ sepsateng khempeuh a khu-in leengmang hi. Hih thu pen Vanglian Topa in a piansak ahi hi.

Mattiu 17:5

Tua bangin a pau laitakun meiingo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 25:46

Tua ahih ciangin tawntung gimthuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

Mattiu 6:19

“Nget in ne-in a kekseu theihna, gutate in luhin a guktheihna hih leitungah na sum uh khol kei un.

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Marka 1:11

Vantung panin aw khat hong ging a, “Nang pen ka it mahmah ka Tapa na hi a, nang tungah ka lungkim mahmah hi,” a ci hi.

Marka 9:7

Meii hong kai-in a liim in amaute hong liah a, tua meii sung panin aw khat hong gingin, “Hih pa, ka it ka Tapa ahi hi; ama thu na ngai un,” a hong ci hi.

Luka 3:22

vakhu pumpi lim nei-in Kha Siangtho ama tungah hong kumsuk hi. Tua laitakin vantung panin aw khat hong ging a, “Nang pen ka it ka Tapa na hi a, nangma tungah ka lungkim mahmah hi,” a ci hi.

Luka 9:35

Tua ciangin meii lakah aw khat hong ging a, “Hih pa, ka Teelsa ka Tapa ahi hi; ama thu na ngai un,” a ci hi.

Johan 10:28

Tua ahih manin amaute tungah nuntak tawntungna pia ka hih manin si ngei nawn lo ding uh a, keima khutsung panin kuamah in amaute hong sut zo lo ding uh hi.

Johan 11:42

Ka thungetna na hong ngaih tawntungna thu ka thei a, ahi zongin hih lai-ah a om mite in kei na hong sawlna thu a uptheih nadingun tu-a bangin kam a hong pau ka hi hi,”

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 15:24

Kuamah in a bawl ngei loh na lamdangte amaute lakah a bawl lo hi leng amaute in mawh pualo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piaktheih nadingin mi khempeuh tungah ukna aana a neih nadingin Tapa tungah na hong piaksa ahi hi.

Johan 3:15

amah a um mi khempeuh nungta tawntung ding hi.

Johan 3:33

Ama thugen a umte pen, Pasian’ thugen man hi, ci-in a um ahi uh hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Johan 6:47

A mantakin kong genin-ah, kei hong umte bek in nuntak tawntungna ngah hi.

Johan 6:51

Kei pen vantung panin a hong paisuk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Johan 6:53

Tua ahih manin Jesuh in amaute kiangah, “A mantakin kong genin-ah, Mihing Tapa’ sa na nek kei uh a, a sisan na dawn kei uhleh note sungah nuntakna om lo ding hi.

Johan 6:54

Ka sa ne-in ka si a dawnte a nungta tawntung hi a, nitawp ni ciangin ka hingsak ding hi.

Johan 6:58

Tua ahih manin kei pen vantung panin a hong pai an ka hi a, na pu na pate un ne-in a sih veve-na ante tawh kibang lo hi. Hih kei’ hong piak an a nete ahihleh nungta tawntung ding hi,” a ci hi.

Johan 6:62

Mihing Tapa ama omna ngei-ah a ciahto kik a mu hi le-uhcin bang na ci ding uh hiam?

Johan 6:68

Simon Peter in, “Topa aw, ciah le ung kua kiang zuan mawk ding ka hi uh hiam? Nangmah in nuntak tawntung nading thu na nei hi.

Johan 8:18

keima a’ ding teci ka pang a, kei hong sawl Pa Pasian in zong keima a dingin teci a pang hi,” ci-in a dawng hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesuh tungtawnin Pasian in lim le na lamdangte bawlin na hong sem ahih manin, Jesuh pen Pasian’ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

ROM (Romans) 4:11

Abraham a vun a ki-at ma-in a upna hangin Pasian in mihoihin a sanna lahtel nadingin a vun a kinung-at ahi hi. Tua ahih manin vun a ki-at loh hangin a upna uh hangin mihoihin a kisang mite khempeuh a dingin Abraham pen kha thu lamah pupi ahi hi.

ROM (Romans) 6:23

Bang hang hiam cih leh mawhna in thaman hong piak pen sihna hi a, ahi zongin i Topa Jesuh tawh i kipawl manin Pasian’ hong piakkhong pen nuntak tawntungna ahi hi.

1 KORIN MASA 6:13

“An pen i gilpi a’ ding hi a, gilpi zong an a’ ding mah hi lo ahi hiam?” a ci zong omkha ding hi. Ahi zongin Pasian in tua tegel a beisak hun hong tung ding hi. Pumpi pen paktatna-in zat ding hi lo a, Topa’ na sepna-in zat ding hizaw hi. Topa in pumpi a’ ding na hong sem hi.

1 KORIN MASA 9:2

Midangte in sawltakin hong ngaihsun ta kei le-uh, note in sawltakin na hong ngaihsut uh a kul ahi hi. Bang hang hiam cih leh Topa sungah na omna uh pen sawltak ka hihlam a kilatna ahi hi.

2 KORIN NIHNA 4:18

Bang hang hiam cih leh a kimuthei nate a mitsuan ka hi kei uh a, a kimu thei lo nate a mitsuan ka hi uh hi. A kimuthei nate tomno sung bek kimang a, a kimu thei lo nate a tawntungin a kip ahi hi.

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

Thu-hilhkikna 30:13

Note in, ‘Eite in a thu za-in i sep theih nadingin kua in tuipi galkhatah hong paisakin hong laksak ding ahi hiam?’ na cih theihna dingun tuipi gal-a om zong hi lo hi.

Filippi 2:13

Bang hang hiam cih leh note in utna lungsim na neih nading uh le ama deihna na zuihzawh nadingun note sungah Pasian in a tawntungin na a hong sem ahi hi.

Kolose 1:29

Hih bang a tangtun theih nadingin Khrih in kei tungah a hong piak ka thahatna khempeuh zangin, nakpitakin na semin ka hanciam hi.

Kolose 2:22

Hih nate pen i nek, i zat khit ciangin a maimang hi lel a, mihingte’ bawltawm thuhilhna le ngeina hi lel hi.

Kolose 3:2

Vantungah a om thute ngaihsutin nei unla, leitungah a om thute ngaihsutin nei kei un.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun note’ upna hangin na nuntakziate uh, itna na neih manun nakpitakin na nasepnate uh le i Topa Jesuh Khrih hong paikik ding lametna na neih manun kiptakin na omnate uh ka phawk tawntung uh hi.

2 TIMOTI NIHNA 2:19

Ahi zongin Pasian in a phuhsa sutpi kilokzo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna sukhalo ding hi,” cihna kigelh hi.

Hebru 12:16

Numei tawh a mawh mite suakkha kei unla, Esau bangin annek khat tawh innluah za a zuak mi na suahkhak loh nadingun kidawm un.

Hebru 4:11

Tua ahih manin amaute in a uploh manun Pasian’ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Jeim 1:11

Ni hong suakin a sat ciangin lopate vul a, a paakte pulhin a hoihnateng a bei mah bangin a haute zong manlahin a om laitakun siatna a thuak ding uh ahi hi.

1 PETER MASA 1:24

Tua ahih manin Lai Siangtho sungah, “Mihingte, lopa tawh kibang a, a minthannate uh lopa pak tawh kibang hi. Lopate vulin paakte pulh a,

2 PETER NIHNA 1:17

Vanglian Minthang pa in, “Hih pen ka it ka Tapa hi a, ama tungah ka lung a kim mahmah hi,” ci-in genin, Pa Pasian in ama tungah minthanna vang le pahtawina a piak laitakin komau pumpi mahmah tawh a om ka hi uh hi.