Johan 6:19 - Tedim Bible

¹⁹ Tuigei panin tai thum tai li bang gunkuang a hawhkhit uh ciangin tuitungah Jesuh hong pai-in gunkuang lam a hong naih a mu uh hi. Amaute na lau mahmah uh ahih manin

Tedim Bible Revision 2017

¹⁹ Tui gei panin tai thum tai li bang gunkuang a hawh khit uh ciangin tui tungah Jesu hong pai-in gunkuang lam a hong naih a mu uh hi. Amaute na lau mahmah uh ahih manin

Johan 6:19 Iomraidhean Croise

JOB (Job) 9:8

Amah bek in vanpi zal a, tuipi tuihualte tuancil hi.

Late 29:10

Topa in tui thukpite uk a, a tawntung kumpi hihna tawh Topa a tu hi.

Late 93:4

A sangna munah a om Topa vanglian hi. Tui tampi gingte sangin vanglian zaw a, tuipi hualte sangin vanglian zaw hi.

Ezekiel 27:26

Nang hong hotte in tuipi thukna gamlapi-ah hong hot uh a, nisuahna huihpi in tuipi laizangah nang hong mutsia hi.

Jonah 1:13

Tua bang a cih hangin amaute in teembaw a khawlsak dingin hahkatin lei lamah a hot teitei uh hi. Ahih hangin a hihzo kei uh hi; bang hang hiam cih leh huihpi a hat semsem hi.

Luka 24:13

Tua ni mahin, Jesuh’ thu a zui mi nih, Jerusalem khua panin tai sagih bang a gamla Emmaus kici khua-ah a pai uh hi.

Luka 9:42

A naupang hong pai laitakin dawi in leilakah tuksakin a kongkawcipsak hi. Ahi zongin Jesuh in a dawi taii a, naupang damsakin, a pa kiangah a piakik hi.

Johan 11:18

Bethany le Jerusalem kikal tai nih bang bek kigamla ahih manin,

Johan 14:18

“Note a cimawh dingin ka hong nusia kei ding hi. Note kiangah ka hong paikik ding hi.

Johan 6:18

Huih nakpi-in hong nung ahih manin tui hong kilokgawp hi.

Johan 6:20

Jesuh in amaute kiangah, “Keimah ka hi hi; lau kei un,” a ci hi.

Mangmuhna 14:20

Khuapi pualamah kicil a, a cilna panin sisan vive luangkhia-in, pi nga bang thukin, tai zanih ciang bangah tuikhang bangin a luang hi.

Mangmuhna 21:16

Tua khuapi a pang kikim linlian a, a dung a vai a kikim ahi hi. A ciang tawh khuapi a teh ciangin tai tul le zanga bang pha a, a dung, a vai le a sanna kikim hi.