Johan 6:11 - Tedim Bible

¹¹ Jesuh in anlum la-in Pasian tungah lungdamna a kohkhit ciangin mihon a tute lakah a hawm hi. Tua mah bangin ngasa zong hih a, mi khempeuh in a duh zahzah uh a ne ciat uh hi.

Tedim Bible Revision 2017

¹¹ Jesu in anlum la-in Pasian tungah lungdamna a koh khit ciangin mihon a tute lakah a hawm hi. Tua mah bangin ngasa zong hih a, mi khempeuh in a duh zahzah uh a ne ciat uh hi.

Johan 6:11 Iomraidhean Croise

Mattiu 15:36

Anlum sagih le a ngasate la-in Pasian tungah lungdamna a koh khit ciangin balnenin a nungzuite tungah pia a, a nungzuite in mihonpite mai-ah a lui uh hi.

Luka 24:30

Amaute tawh an ne dingin a tut ciangin Jesuh in anlum la a, Pasian tungah lungdamna a kohkhit ciangin balnenin amaute a pia hi.

Johan 21:10

Jesuh in amaute kiangah, “Tu-a na ngasa matte uh pawlkhat hong paipih un,” ci-in a gen ciangin

Johan 21:13

Jesuh hong pai-in anlum la-in amaute tungah pia a, tua mah bangin ngasa zong a pia hi.

Johan 21:9

Tui gei a tun uh ciangin mei-am tungah ngasa le anlum a ki-em a mu uh hi.

Johan 6:23

Ahi zongin Tiberias khua panin gunkuang dang tampi hong pai a, Jesuh in lungdamna a kohkhit ciangin an a nekna uh munah hong tung uh hi.

Johan 6:9

“Hih lai-ah mangbuhham kibawl anlum nga le ngasa tawn nih sun-an a pua tangval khat om sam hi; tuate lah mihing hi zah lakah cihtaak ding ahi hiam?” ci hi.

Sawltak 27:35

Hih bangin thu a gen khit ciangin Paul in anlum la a, amaute khempeuh mai-ah Pasian tungah a lungdamna ko-in a anlum balnenin ne dingin a kipan hi.

ROM (Romans) 14:6

Ni khatpeuh thupi diak hi, ci-in a tang mite in Topa a pahtawina-in a tang ahi uh hi. An khempeuh a ne mi in zong Pasian’ tungah lungdamna ko-in ne uh ahih manin Topa a pahtawina mahin a ne uh ahi hi. Nek dingin kilawm lo hi, ci-in a ne lo mite in zong Pasian tungah lungdamna mah ko ahih manin Topa a pahtawina mahin a ne lo uh ahi hi.

1 KORIN MASA 10:31

Tua ahih manin keimah in ka hong gennop thu in: Na hihna khempeuh uh, nekna dawnna-ah ahi zongin Pasian’ minthan nadingin na hih un.

1 THESALONIKA MASA 5:18

bangbang hong piang taleh na lungdamna uh Pasian tungah ko tawntung un. Khrih Jesuh tawh kipawlin na nuntakna sung uhah hih bangzia-in na om ding uh Pasian in a hong deih ahi hi.

1 SAMUEL MASA 9:13

Khuapi sung na lut phetun mualtung a biakna-ah an ne dingin a pai ma-in amah na mu ding uh hi. Amah in biakpiakna thupha pia ding ahih manin ama pai mateng mite in an ne lo ding uh hi. Thupha a piak khit ciangin a kisam mite in ne thei pan uh hi. Tu-in paito un; bang hang hiam cih leh amah na tuakpah ding uh hi,” a ci uh hi.