Johan 5:39 - Tedim Bible

³⁹ Nuntak tawntung ngahtheih nading lametna tawh Lai Siangtho sung na lim sim mahmah uh a, tua na sim uh Lai Siangtho in keima thu mah genin teci pang napi-in,

Tedim Bible Revision 2017

³⁹ Nuntak tawntung ngah theih nading lametna tawh Lai Siangtho sung na lim sim mahmah uh a, tua na sim uh Lai Siangtho in keima thu mah genin teci pang napi-in,

Johan 5:39 Iomraidhean Croise

Late 1:2

Ama nopsakna pen Topa thu sung bek mah hi a, sun le zanin ama thu a ngaihsunsun mi ahi hi.

Late 119:11

Nangma tungah kong khialh loh nadingin ka lungsim sungah nangma thu ka khol hi.

Late 133:3

Tua pen Zion mualte tungah a kia, Hermon mual pana hong piang daitui tawh kibang hi. Bang hang hiam cih leh Topa in nuntak tawntungna thupha tua munah a pia hi.

Late 16:11

Nangmah in nuntakna lampi keimah nong lak hi. Nangma omna munah lungdamna lianpi om a, nangma taklamah nop tawntungnate a om hi.

Late 21:4

Nangma tung panin amah in nuntakna hong ngen a, ama tungah nuntak sau na pia hi.

Late 36:9

Bang hang hiam cih leh nuntakna tuinak nangmah tawh om a, na khuavak sungah kote in khuavak ka mu uh hi.

Paunak 6:23

Bang hang hiam cih leh thukham le a hilhnate pen a taang mahmah khuavak bang hi a, khalna le hilhnate pen nuntakna ding lampi hi a,

Isaiah 34:16

Topa’ laibu sung panin zong unla hih thu sim un. Hih ganhingte khempeuh khat beek zong mangthang lo ding a, lawm sam khat zong om lo ding hi. Bang hang hiam cih leh Topa in thu pia khinzo a, amahmah in amaute kaikhawm ding hi.

Isaiah 8:20

Tua ciangin note in, “Topa in note hong hilh thute ngai un. Aisante’ thu ngai kei un. Amaute’ hong gen thute a kimanna om lo hi,” ci-in dawng un.

Jeremiah 8:9

Na mipilte uh maizum ding uh a, lungmangin a cih nading a thei kei ding uh hi. En un, amaute in Topa’ thu nial uh hi. Bang pilna nei nawn ahi uh hiam?

Daniel 12:2

A sisa mi tampite in nuntakna a ngahkik ding uh hi. Pawlkhatte nungta tawntung ding uh a, pawlkhatte in a tawntung zumna le minsiatna a ngah ding uh hi.

Mattiu 22:29

Ahi zongin Jesuh in, “Note in Lai Siangtho thu ahi a, Pasian’ vangliatna ahi zongin thei lo na hih manun na ngaihsunkhial uh hi.

Marka 10:3

Jesuh in, “Moses in bang thu hong pia ahi hiam?” ci-in a dot ciangin amaute in,

Marka 12:10

‘Innlamte in a nilkhiat suang pen innkiu suang bulpi suak khinta hi.

Luka 16:29

Ahi zongin Abraham in, ‘Na sanggamte a hilh dingin Moses le kamsangte om uh ahih manin tuate’ thugen na ngai ta uh hen,’ a ci hi.

Luka 16:31

Ahi zongin Abraham in, ‘Amaute in Moses le kamsangte’ thu a mannop kei uhleh, mi khat hong hingkikin amaute kiangah a va gen hangin umsakzo tuan lo ding hi,’ ci-in a dawng hi,” a ci hi.

Luka 24:25

Tua ciangin Jesuh in amau tegel kiangah, “Bangzah takin hai a, bang dingin kamsangte’ thugen um thei lo na hi uh hiam?

Luka 24:27

Tua ciangin Jesuh in Lai Siangtho sungah ama thu a kigennate khempeuh, Moses laibu a kipanin kamsangte’ laibu khempeuh a khiatna a gen hi.

Luka 24:44

Tua ciangin Jesuh in amaute kiangah, “Tu-a thupiang khempeuh pen note tawh kong omkhawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa, le kamsangte in zong a gelh mipa ka mu khin uh hi. Amah Jesuh hi a, Nazareth khuami Josef’ tapa ahi hi,” a ci hi.

Johan 5:32

Tua ahih manin keima a’ ding teci a pang ding mi khat om a, keima thu genin teci a panna thuman hi, ci-in ka thei hi.

Johan 5:36

Ahi zongin Johan’ teci panna sangin a lianzaw teci khat ka nei a, tua in: Ka Pa in sep dingin a hong piak tu-a ka sep thute in kei a dingin teci a pang hi a, Pa in kei a hong sawl taktak ahihna hong kilangsak hi.

Johan 5:40

na nuntak theih nadingun kei kiangah nong painuam kei veve uh hi.

Johan 5:46

Moses in keima thu gen belin nei ahih manin Moses um taktak hi le-uhcin kei zong na hong um ding uh hi.

Johan 7:52

Tua ciangin amaute in, “Nang zong Galilee gammi na hi hiam? Lai Siangtho sung sim lecin Galilee gam sung panin kamsang khat beek a pian’ ngei lohna thu na thei ding hi,” a ci uh hi.

Sawltak 13:27

Jerusalem khua-a a teng mite le a makaite un Jesuh pen Honpa ahih lamtak na thei lo uh a, Sabbath nisimin a kisim niloh kamsangte’ thu zong na tel lo uh hi. Amaute in Jesuh na mawhsak uh ahih manin kamsangte’ thugente a manin hong tung hi.

Sawltak 17:11

Thesalonika khuamite sangin Berea khuamite in mipi lungsim neizaw uh hi. Amaute in lawp mahmahna tawh Paul’ thugente ngai uh a, Paul’ thugente man taktak hiam ci-in a theih nadingun nisimin Lai Siangtho a sim uh hi.

Sawltak 26:27

Kumpi Agrippa aw, kamsangte’ thugente um hi lo na hi hiam?” a ci hi.

ROM (Romans) 1:2

Pasian in kamsangte tungtawnin hih Lungdamna Thu a gensa hi a, Lai Siangtho sungah a omsa thu ahi hi.

ROM (Romans) 3:2

Lam tampi-ah a phattuamna a om hi. A masa penin, Pasian in Jew mite tungah ama thute a gen hi.

Thu-hilhkikna 18:15

“Topa na Pasian un note lak ahi na sanggamte uh lak panin note a dingin kei tawh a kibang kamsang khat hong khangsak ding hi. Note in ama thu na ngai ding uh hi.

Thu-hilhkikna 18:18

Amau sanggamte lak panin nang tawh a kibang kamsang khat amaute a dingin ka khangsak ding hi. Ama gen dingte ka hilh ding a, amah ka thupiak khempeuh amaute tungah a gen ding hi.

Thu-hilhkikna 29:29

“Topa i Pasian in hong lahkhiat loh thusim om a, ahih hangin hih thukham sunga om thute khempeuh i zuih theih nadingin hong lakkhia a, eite le i suan i khakte’ zuih tawntung ding ahi hi.

Thu-hilhkikna 32:47

Bang hang hiam cih leh hih pen note a dingin a thuneu hi loin note’ nuntakna hi a, a luah dingin Jordan galkhat na paina uh gam sungah hih thu tawh sauveipi na hing ding uh hi,” a ci hi.

Kolose 3:16

Khrih thu a cingtakin note lungsimah hong om hen la, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte, le biakna late na sa un.

Hebru 11:16

Ahi zongin amaute’ lunggulh pen leitung sangin a hoihzaw vantung gam ahi hi. Pasian in amaute a dingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

Hebru 11:35

Numeite in a sihsuah mite uh, thawhkikna tawh a ngahna uh zong a upna uh hang mah ahi hi. Mi pawlkhatte in a hoihzaw nuntakna-ah a thawhkik theih nadingun leitungah suahtak ding ut tuan loin bawlsiatna thuakin a si uh hi.

Joshua 1:8

Hih thukham laibu na mangngilh ngei kei ding hi. A sunga kigelh thute khempeuh tawh kizui-in na gamtat theih nadingin sunlezanin na lungngaingai ding hi. Tua hileh na maa vang ding a, na nasep tangtung ding hi.

Mangmuhna 19:10

Tua ciangin amah a bia dingin a khe phungah ka kunsuk a, ahi zongin amah in, “Kei hong bia kei in. Kei pen Jesuh’ hong thugente a lenkip nang le na sanggamte khempeuh tawh nasemkhawm khat ka hi hi. Pasian bia in!” hong ci hi. Jesuh’ thugen in kamsang nasep sepnop nading lungsim a guan ahi hi.