Johan 5:37 - Tedim Bible

^37-38 Tua ban panin kei a hong sawl Pasian in zong keima a dingin teci a pang hi. Note in Pasian’ sawl pa’ thu um lo na hih manun Pasian’ aw lah za ngei lo, a maitang lah mu ngei lo, na lungsim uhah zong ama thu a ciing lo na hi uh hi.

Tedim Bible Revision 2017

^37-38 Tua ban panin kei a hong sawl Pasian in zong keima adingin teci a pang hi. Note in Pasianʼ sawl paʼ thu um lo na hih manun Pasianʼ aw lah za ngei lo, a maitang lah mu ngei lo, na lungsim uh ah zong ama thu a ciing lo na hi uh hi.

Johan 5:37 Iomraidhean Croise

Paikhiatna 20:19

Moses kiangah, “Nangmah in kote kiangah thu hong gen in; kote in ka ngai ding uh hi. Ahi zongin kote si kha ding ka hih uh ciangin ko tungah Pasian hong gensak kei in,” a ci uh hi.

Isaiah 26:10

Migilote tungah nangmah na migit hangin a manin gamtat ding theithei tuan lo uh a, lungsim thutang mite’ gam sungah amaute in khialhna bawllai veve uh hi. Amaute in Topa’ minliatna hong phawk nuam lo uh hi.

Mattiu 17:5

Tua bangin a pau laitakun meiingo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

Marka 1:11

Vantung panin aw khat hong ging a, “Nang pen ka it mahmah ka Tapa na hi a, nang tungah ka lungkim mahmah hi,” a ci hi.

Luka 24:27

Tua ciangin Jesuh in Lai Siangtho sungah ama thu a kigennate khempeuh, Moses laibu a kipanin kamsangte’ laibu khempeuh a khiatna a gen hi.

Luka 3:22

vakhu pumpi lim nei-in Kha Siangtho ama tungah hong kumsuk hi. Tua laitakin vantung panin aw khat hong ging a, “Nang pen ka it ka Tapa na hi a, nangma tungah ka lungkim mahmah hi,” a ci hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Johan 14:9

Jesuh in, “Filip aw, hih tanvei omkhawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam?

Johan 15:24

Kuamah in a bawl ngei loh na lamdangte amaute lakah a bawl lo hi leng amaute in mawh pualo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 5:32

Tua ahih manin keima a’ ding teci a pang ding mi khat om a, keima thu genin teci a panna thuman hi, ci-in ka thei hi.

Johan 6:27

A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

Johan 8:18

keima a’ ding teci ka pang a, kei hong sawl Pa Pasian in zong keima a dingin teci a pang hi,” ci-in a dawng hi.

Thu-hilhkikna 4:12

Tua ciangin mei sung panin Topa in note’ kiangah thu hong gen hi. Note in awging na za uh a, ahih hangin bangmah mu loin, awging bek a om hi.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi hen la, vanglian tawntung tahen. Amen.

1 JOHAN MASA 4:12

Kuamah in Pasian mu ngei lo hi. Ahi zongin eite khatlekhat i ki-it leh eite tawh Pasian hong omkhawm a, ama itna eite lakah a cingtaakin a om ahi hi.

1 JOHAN MASA 4:20

Mi khatpeuh in, “Pasian ka it hi,” ci napi-in a Khristian mipihte a muhdah le a zuaupi a gen ahi hi. Bang hang hiam cih leh a muhtheih a Khristian mipih a it lo mi in a muhtheih loh Pasian it thei lo ding hi.

1 JOHAN MASA 5:9

Mihingte’ teci panna sangthei ihih leh Pasian’ teci panna i santheih ding thupizaw hi. Pasian in ama Tapa’ thu tu-a bangin teci hong pang hi.