Johan 5:35 - Tedim Bible

³⁵ Johan pen meivak bangin kuangin a taang hi a, ama khuavak sungah tawlkhat nuamsa-in om ding na ut uh hi.

Tedim Bible Revision 2017

³⁵ Johan pen meivak bangin kuangin a taang hi a, ama khuavak sungah tawl khat nuamsa-in om ding na ut uh hi.

Johan 5:35 Iomraidhean Croise

2 SAMUEL NIHNA 21:17

Ahih hangin amah a huh dingin Zeruiah’ tapa Abishai hong pai a, Filistia-pa simin amah a that hi. Tua ciangin David’ mite in amah kunh-in, “Galsim dingin ko tawh nong kuankhia nawn kei ding hi. Hong kuan lecin Israel mite’ muan le suanpa kong taan kha ding uh hi,” a ci uh hi.

Paikhiatna 34:35

Israel mite in Moses’ maitang vun a taang mu uh hi. Amah tawh a kiho dingin a pai matengin Moses in kiliahna puan tawh a maitang a khuh kik hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uhah amau’ meetna ding bek ngaihsun uh hi.

Daniel 12:3

A pilte ahih uhleh vantung khuavak tawh a taangkhawm ding uh hi. A pha-in gamtat ding mi tampi a hilhte pen aksi bangin a taang tawntung ding uh hi.

Mattiu 11:11

Leitung mi khempeuh sung pan Tuiphumpa Johan a lianpen ahi hi. Ahi zongin vantung ki-ukna sungah a neupen i cihte nangawn Johan sangin lianzaw lai hi.

Mattiu 21:26

Ahi zongin, “Mihingte kiang pan hi,” ci leuleu lehang, mi khempeuh in Johan pen kamsang hi, ci-in ngaihsun uh ahih manin mihonte i kihta zel hi, kici uh hi.

Marka 1:5

Johan’ thuhilhna a ngai dingin Jerusalem khua a kipan Judea gam sunga om mi khempeuhte a hong pai uh hi. Amaute in a mawhnate uh va pulak uh a, Jordan Gun sungah Johan in amaute a tuiphum hi.

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen zanuam veve hi.

Luka 7:28

Johan pen leitung mihing sung khempeuh panin a lianpen ahi hi. Ahi zongin Pasian’ Ukna sunga a om mi a neupen i cihte nangawn Johan sangin lianzaw lai hi,” a ci hi.

Johan 6:66

Hih bangin a thugenna hangin a nung a zui a thungai mi tampi kileh kikin Jesuh zui nawn lo uh hi.

2 PETER NIHNA 1:19

Tua ahih manin kamsangte’ gen thute a man taktak ahihna thu ka teltheih uh hi. Note’ lungsimah Zingsol hong suakin khua a hong vak matengin khuamial lak a mei taang bangin hih thute ngaihsun le-uhcin hoih mahmah ding hi.