Johan 5:3 - Tedim Bible

³ Hih talapte sungah a mittaw, a khebai, khutlekhezaw, cina tampi lum phengphang uh hi. (Amaute in tua bualtui a kilawh ding ngakin a om uh ahi hi.

Tedim Bible Revision 2017

³ Hih talapte sungah a mittaw, a khebai, khutlekhe zaw, cina tampi lum phengphang uh hi. (Amaute in tua bualtui a kilawh ding ngakin a om uh ahi hi.

Johan 5:3 Iomraidhean Croise

1 KUMPI MASATE 13:4

Bethel-a biakna tau langpangin Pasian’ mipa’ thugenna kumpipa in a zak ciangin biakna tau panin Jeroboam in a khut zan a, “Amah lencip un,” a ci hi. Tua ciangin amah langpangin a zankhiat a khut keucip ahih manin a khut tonsakkik thei nawn lo hi.

Paunak 8:34

Ka thugenna a ngai, nisimin ka kong gei-ah omin, ka inn-ah a ngak mipa in lungdamna ngah ding hi.

Kah la 3:26

Tua ahih ciangin thuakzawhna tawh ngak kenkanzo lehang a hoihpen ahi hi. A hong hotkhiat ding amah ngak ni.

Zekhariah 11:17

“Kimanna a nei lo tuucingpa, a tuuhonte a nusia pa in gimna ngah ta hen! Namsau in a khut bantan hen la, a taklam mit satkham hen. A khut beimang hen la, a taklam mit tawcip hen!” hong ci hi.

Mattiu 15:30

Ama kiangah mihon tampi tak hong pai uh a, khebaite, khezawte, mittawte, a pau thei lote, le cina dang tampi, Jesuh kiangah hong koih uh hi. Jesuh in tuate khempeuh a damsak hi.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Luka 7:22

Tua ahih manin Johan’ kamtaite kiangah, “Va ciahkik unla, na muhsa uh le na zaksa uh thute khempeuh Johan kiangah va gen un. Mittawte in khua muthei a, khebaite lam paithei a, miphakte damkik a, bilngongte in khua zathei kik a, misite kihingsakkik a, mizawngte tungah Lungdamna Thu kihilh hi.

Johan 5:2

Jerusalem khuasung Tuu Kongpi a kici gei-ah Hebru pau-in Bethzatha a kici bual khat om a, tua bual kimkotah talap nga a om hi.

Johan 5:4

Bang hang hiam cih leh Topa’ vantungmi khat in tua bual tui lok thei zel a, tui a kilawh khit ciangin tua lai a tung masa penpen ama natna panin a dam hi.)

ROM (Romans) 8:25

I muh lohte i lamet ciangin lungduaitakin i ngak thei hi.

Jeim 5:7

Tua ahih ciangin sanggamte aw, Topa hong pai matengin lungduai takin om un. Lo khote in zong a lo panun an a ngahtheih nadingun lungduai takin khuapi guah le tuk guah a ngakna thu thei un.