Johan 5:25 - Tedim Bible

²⁵ A taktakin ci lehang: A si mite in Pasian’ Tapa’ aw a zak hun uh hong tung ding hi bek loin tu-in a hun hong tungkhin hita a, ama aw a za mi khempeuh nungta ding uh hi.

Tedim Bible Revision 2017

²⁵ A taktakin ci lehang: A si mite in Pasianʼ Tapaʼ aw a zak hun uh hong tung ding hi bek loin tu-in a hun hong tung khin hi ta a, ama aw a za mi khempeuh nungta ding uh hi.

Johan 5:25 Iomraidhean Croise

Luka 15:24

Bang hang hiam cih leh ka tapa a sisa hong nungta a, ka tapa a mangsa hong tungkik hi,’ a ci hi. Tua ahih manin lungdamna pawi bawl a kipan uh hi.

Luka 15:32

Tu-in na naupa a sisa hong hingkik a, a mangsa hong tungkik ahih manin lungdamin pawi i bawl ding ahi hi,’ ci-in a pa in a dawng hi,” a ci hi.

Luka 9:60

Ahi zongin Jesuh in, “Misi bang ahi mite in misite na vui tahen. Nang ahihleh va pai inla Pasian’ Ukna thu va hilh in,” a ci hi.

Johan 13:1

Tu-in Paisan Pawi hun ding ni khat bek in sam a, Jesuh in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 17:1

Jesuh in hih thute a genkhit ciangin vantung lam ento-in, “Pa aw, a hun hong tungta ahih manin na Tapa in na pianzia hong kilatsak theih nadingin tu-in na Tapa’ pianzia hong kilangsak ta in.

Johan 4:21

Jesuh in, “Lawm aw, hih ka thugen ding hong um in: Mite in hih mualtung hitaleh Jerusalem hitaleh ah Pa Pasian a biak nawn loh hun hong tung ding hi.

Johan 4:23

Ahi zongin Pasian a bia taktakte in Pasian’ Kha’ lamlahna le thuman tak tawh a biak hun hong tung ding a, tu-in zong a hong tung khinta ahi hi. Pa Pasian in tu-a bangin amah i biak ding a hong deih ahi hi.

Johan 5:21

Pa in mi sisate nangawn thosakin a nuntaksak mah bangin Tapa in zong a ut peuhpeuh nungtasak thei hi.

Johan 5:28

Hih thu ka hong gen ciangin lamdangsa kei un. Han sungah a om misi khempeuh in ama aw za-in,

Johan 6:60

A nungzuite nangawn un hih thu a zak ciangun, “Hih thugen haksa lua hi. Kua in zuizo ding ahi hiam?” a ci uh hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

Johan 8:47

Pasian kiang panin a paite in Pasian’ thugen za thei hi. Ahi zongin note pen Pasian kiang pan hi lo na hih manun Pasian’ thu na ngai nuam kei uh hi,” ci-in a dawng hi.

Johan 9:27

“A thuteng ka hong gen khitsa hinapi, ka thugen na um kei uh hi. Bang dingin za kikkik nuam na hi uh hiam? Note zong ama nungzui suak nuam na hi uh hiam?” ci-in a dawng hi.

ROM (Romans) 6:4

I Pa’ vangliatna tawh sihna panin Khrih a kithawhkiksak mah bangin eite zong nuntakna thak i nuntak theih nadingin tui i kiphum ciangin amah tawh kiphum khawmin a sikhawm ihi hi.

Efesa 2:1

A beisa hunah na thuman lohna uh le na mawhna uh hangin kha thu tawh kisai-ah a si na hi uh hi.

Efesa 2:5

i mawhna hangin kha thu tawh kisai-in misi ihih laitakin Khrih tawh eite hong nungtasak hi. Pasian’ hehpihna hangin hotkhiatna a ngah thei ihi hi.

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khrih in nang hong taan ding hi,” kici hi.

Kolose 2:13

A beisa hunah na mawhna uh hangin kha thu tawh kisai-in misi na hi uh a, Gentail mi na hih manun Thukham nei lote na hi uh hi. Ahi zongin Khrih hangin Pasian in note hong hingsak a, i mawhna khempeuh hong maisak khinta hi.

Mangmuhna 3:1

“Sardis khua pawlpi vantungmi kiangah lai gelh inla, Pasian Kha Siangtho sagih le aksi sagih a nei pa’ thugen in: Note’ gamtatnate ka thei a, note a si hinapi-in a hing min na pua uh hi.