Johan 5:19 - Tedim Bible

¹⁹ Tua ahih manin Jesuh in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muhteng bek a sem ahi hi. Tua hi a, a Pa in a septeng mah a Tapa in zong a sem ahi hi.

Tedim Bible Revision 2017

¹⁹ Tua ahih manin Jesu in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muh teng bek a sem ahi hi. Tua hi a, a Pa in a sep teng mah a Tapa in zong a sem ahi hi.

Johan 5:19 Iomraidhean Croise

Piancilna 1:1

A kipat cil-in Pasian in vantung le leitung a piangsak hi.

Piancilna 1:26

Tua ciangin Pasian in, “Eima lim, eimah hong sunin mihing bawl ni. Tuipi ngasate tung, huihlak vasate tung, ganhingte tung, le leitung a a bokvakte khempeuh tungah ukna neisak ni,” a ci hi.

Late 138:3

Nang kong sap ciangin kei nong dawng a, na thahatna tawh kei nong thakhauhsak hi.

Late 27:14

Topa muang in. Thakhauh inla, na lungsim hangsakin, Topa muang in.

Late 50:6

Vantung in ama thumanna gen hi; bang hang hiam cih leh Pasian mahmah thukhen pa ahi hi.

Paikhiatna 4:11

Tua ciangin Topa in ama kiangah, “Kua in mipa’ kam bawl ahi hiam? Kua in amah pau thei losak, bilngongsak, musak, mittawsak ahi hiam? Topa ahi keimah hi lo ka hi hiam?

Paunak 2:6

Bang hang hiam cih leh pilna a piapa pen Topa hi a, amah pen pilna le siamna a hilh pa ahi hi.

Isaiah 44:24

Gil sung panin nangmah a hong piangsak, nangmah hong Honpa, Topa in hih bangin ci hi: “Keimah in na khempeuh bawlin, keimah guak in vantungte zalin, kuama seppih lohin leitung ka zal hi.

Isaiah 45:24

Topa’ hang bekin gualzawhna le thahatna kingah hi, hong kici ding hi. Kei hong mudahte khempeuh mindai-in maizum ding uh hi.

Jeremiah 17:10

Keimah Topa in mi khempeuh’ nuntakzia le a gamtatna tawh kizui-in a piakhia dingin ngaihsutna ka entel a, lungsim ka sittel hi,” a ci hi.

Mattiu 26:39

tawmkhat pai lai-in leilakah bokin thu ngen a, “Pa aw, ahi thei ding ahihleh hih thuak nading tawh hong kipelhsak in. Ahi zongin kei’ deihna bang hi loin nangma deihna bang hizaw ta hen,” a ci hi.

Luka 21:15

Bang hang hiam cih leh tua hun ciangin note’ gen ding thu le pilna kong guan ding a, na galte uh khat beek in note’ thugen hong nialzo loin, zong hong sel zo lo ding uh hi.

Johan 10:18

Kuamah in ka nuntakna hong laksak thei lo a, keima utthu tawh ka piak hizaw hi. Ka nuntakna piakkhiat theih nading le lakkik theih nading thu ka Pa in kei tungah a hong piak ahi hi,” a ci hi.

Johan 12:49

Bang hang hiam cih leh keima utthu tawh thu a mawkgen ka hi kei a, kei hong sawl Pa Pasian in ka gen ding thuteng a hong piak ahi hi.

Johan 12:50

Gen dingin a hong sawl thute in nuntak tawntung a piangsak thei ahihna thu ka thei hi. Tua ahih manin Pa in gen dingin a hong sawlteng bek a gen ka hi hi,” a ci hi.

Johan 14:10

Kei pen Pa tawh pumkhat ka hih lamtak um lo na hi hiam? Note tungah ka hong gen thute keima thu bek tawh a hong gen ka hi kei a, kei tawh a om Pa Pasian in na semin a hong gen ahi hi.

Johan 2:19

Jesuh in, “Hih biakinn susia le-uhcin ni thum sungin ka dingsakkik ding hi,” ci-in a dawng hi.

Johan 3:3

Jesuh in, “A mantakin kong genin-ah, mi khatpeuh a suahkik kei leh Pasian’ Ukna sungah lut thei lo ding hi,” a ci hi.

Johan 5:21

Pa in mi sisate nangawn thosakin a nuntaksak mah bangin Tapa in zong a ut peuhpeuh nungtasak thei hi.

Johan 6:38

Bang hang hiam cih leh keima ut bangin a sem ding hi loin kei hong sawl pa’ deihna bangin a sem dingin vantung panin a hong pai ka hi hi.

Johan 8:28

Tua ahih manin Jesuh in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin kei’ thu bek tawh bangmah hih loin, ka Pa’ hong hilhsa teng bek a gen ka hihna thu na thei ding uh hi.

Johan 9:4

Sun khuavak laiteng kei hong sawl pa’ na i sem ding hi. Kuamah in na a sep theih loh zan hun zong hong tung ding hi.

Sawltak 2:24

Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

ROM (Romans) 6:4

I Pa’ vangliatna tawh sihna panin Khrih a kithawhkiksak mah bangin eite zong nuntakna thak i nuntak theih nadingin tui i kiphum ciangin amah tawh kiphum khawmin a sikhawm ihi hi.

ROM (Romans) 8:11

Sihna panin Jesuh a thokiksak Pasian’ Kha Siangtho note sungah hong om leh sihna panin Khrih a hingkik sakpa mah in note sungah a om ama Kha Siangtho mah tawh a sithei pumpi a hong nungtasak ding hi.

1 KORIN MASA 15:12

Tu-in gen penin a kinei thu in: Sihna panin Khrih kihingkiksak hi, cihna thu ahih manin, bang hangin note pawlkhat in, misite thokik lo ding hi, ci thei na hi uh hiam?

2 KORIN NIHNA 4:14

Topa Jesuh a hingkik sakpa in Jesuh mah tawh kote zong hong hingkiksak khawmin note tawh ama omna-ah hong paipih khawm ding hi, ci-in ka thei uh hi.

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

Efesa 2:5

i mawhna hangin kha thu tawh kisai-in misi ihih laitakin Khrih tawh eite hong nungtasak hi. Pasian’ hehpihna hangin hotkhiatna a ngah thei ihi hi.

Efesa 3:16

note’ lungsim a thahat nadingin Pasian in a kicing ama vangliatna sung panin a Kha Siangtho tawh note hong thakhauh sakin,

Filippi 3:21

Amah in na khempeuh ama khutnuai-ah koihna-in a zat vangliatna mah tawh a ginalo i leitung pumpi pen ama a’ mah bangin a minthang pumpi tawh hong kheelsak ding hi.

Filippi 4:13

Khrih in a hong piak vangliatna tawh hihte khempeuh nawkzawh nading thahatna a nei ka hi hi.

Kolose 1:11

Note in lungduai maitai takin thuakzo-in, khuavak gam sungah a om Pasian’ mite tawh nopsakna a ngahkhawm thei dingin a hong bawl i Pa tungah lungdamna na koh theih nadingun a minthang ama vangliatna in note tungah thahatna hong guan tahen.

Kolose 1:16

Vantung le leitungah a om na khempeuh, kha thu tawh kisai vangliatna, tote, mi ukte, aana neihnate a kipan a kimuthei hitaleh a kimu thei lo hitaleh na khempeuh, Pasian in amah zangin a piangsak hi. Leitung a kipanin huih lakah a om khempeuh dongin, Pasian in Khrih a dingin amahmah zangin a piangsak hi.

1 THESALONIKA MASA 4:14

Jesuh si-in thokik hi, ci-in i up mah bangin Pasian in Jesuh hong paipih kik ciangin amah umin a si mite zong hong tonpih ding hi, ci-in i um hi.

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

Mangmuhna 2:23

Tua numei’ thu a zui mi khempeuh ka that ding hi. Tua hileh, mihingte’ ngaihsutna le lungsim a kantel pa ka hihna thu pawlpi khempeuh in thei ding uh hi. Note’ gamtatna ciat tawh kizui-in ka hong thukkik ding hi.