Johan 5:14 - Tedim Bible

¹⁴ Tua khit ciangin Jesuh in biakinn sungah tua cina dam pa mukik a, ama kiangah, “Tu-in na dam khinta hi. Mawhna bawl nawn kei in. Tua hikeileh a siazaw khat na thuak ding hi,” a ci hi.

Tedim Bible Revision 2017

¹⁴ Tua khit ciangin Jesu in biakinn sungah tua cina dam pa mukik a, ama kiangah, “Tu-in na dam khinta hi. Mawhna bawl nawn kei in. Tua hikeileh a sia zaw khat na thuak ding hi,” a ci hi.

Johan 5:14 Iomraidhean Croise

2 KHANG TANGTHU NIHNATE 28:22

Hih Kumpi Ahaz mah pen, a lungkham hunin Topa’ tungah citak lozaw lai hi.

Nehemiah 9:28

Ahi zongin a tawldam khit uh ciangin nangma muhna-ah a sia gamta zel uh a, nangmah in amau’ galte’ khut sungah amaute na nusia a, a galte un amaute a ukgawp uh hi. Ahi zongin amaute in nang tungah huhna hong nget uh ciangin vantung panin amau’ ngetna za-in na hehpihna tawh amaute tam veipi na honkhia hi.

Late 118:18

Topa in nasia takin kei hong thuhilh a, ahih hangin kei hong sisak lo hi.

Late 18:22

Bang hang hiam cih leh ama biakna ngeina thukip omte khempeuh limtakin ka zui a, ama thukhamte ka paaikhia kei hi.

Late 27:6

Tu-in ka kimkotah a om ka galte tungah ka gualzo ding hi. Lungdamin kikona tawh ama buk sungah biakna ka pia ding a, la ka sa ding hi. Topa tungah la ngaih ka sa ding hi.

Late 9:13

Ka tungah hong dik in, Topa! Sihna pan hong honkhia pa aw, kei hong mudahte’ hangin keima gim thuaknate hong en inla,

Isaiah 38:20

Topa in kei hong hon ding a, Topa’ inn sungah i nuntak sung tawntung khausai lasakna i tum ding hi.

Isaiah 38:22

Hezekiah in, “Topa’ inn-ah ka paitoh zawhna ding a kitheih nadingin bang lim om ahi hiam?” ci-in a dong hi.

Siampi Laibu 13:20

Siampipa in vel ding a, tua pen a vun sangin thukzaw-in a multe a kang a suah leh, siampipa in amah nin hi, ci-in gen ding hi. Tua pen phaknatna hi a, meimatum sung tawnin hong phukhia ahi hi.

Siampi Laibu 26:27

“Tua bang hinapi-in note in keima thu ngai loin, kei na hong demlai uhleh,

Siampi Laibu 7:12

Amah in lungdam kohna-in a piak leh, silngo sawh loh sathau tawh a kihel moh, silngo sawh loh mohpheng sathau tawh a kizut, annel moh sathau limtakin a kihelte, lungdam biakna tawh pia khawm ding hi.

Mattiu 12:45

Tua ciangin va paikik a, amah sangin a siahuaizaw dawi sagih hong tunpihin tua mipa sungah a teng uh hi. Tua ahih manin tua mipa pianzia pen a masa huna sangin a siazaw hi. Tua ahih ciangin tuhuna migilote zong hih mipa’ pianzia mah tawh kibang ding uh hi,” a ci hi.

Marka 2:5

Jesuh in hih mite’ up mahmahna thu a muh ciangin khutlekhezaw mipa kiangah, “Ka ta aw, na mawhnate hong kimaisak hi,” a ci hi.

Johan 5:13

Ahi zongin tua munah mi tampi om a, Jesuh paikhia ziau ahih manin cina damkik pa in amah a damsak kua ahi hiam, cih a thei kei hi.

Johan 5:5

Tua talapte sung khatah kum sawmthum le kum giat sung a cina khin mi khat a om hi.

Johan 8:11

numei in, “Topa aw, kuamah in thu hong khen lo hi,” ci-in a dawng hi. Tua ciangin Jesuh in, “Kei zong nang tungah thu kong khen kei hi. Ciah inla, mawhna bawl nawn kei in,” a ci hi.)

1 PETER MASA 4:3

A beisa hunah dawibiate’ gamtat bangin a hoihkhop khat na gamta khinta uh a, a kilawm loin gamtatna, hukna lanna, zunekna, uangtatna, zukham luatna le a muhdahhuai milim biakna-in na hun uh na beisak uh hi.