Johan 5:10 - Tedim Bible

¹⁰ Jerusalem khuasunga om Jew mi uliante in cina damkik pa kiangah, “Tuni pen Sabbath ni ahih manin lupna pheek na puak ding ngeina hi lo hi,” a cih uh ciangin

Tedim Bible Revision 2017

¹⁰ Jerusalem khua sunga om Jew mi uliante in cina damkik pa kiangah, “Tu ni pen Sabbath ni ahih manin lupna pheek na puak ding ngeina hi lo hi,” a cih uh ciangin

Johan 5:10 Iomraidhean Croise

Isaiah 58:13

Note in Sabbath siangtho sakin, keima ni siangtho ni-in na nasepna panun khawlin Sabbath ni pen deihhuai sa-in, Topa’ ni siangtho pen pahtawihuai na cih uh a, note in pahtawi-in note’ deih bang zui loin, note’ ut bang hi loin motpau loin na om uhleh,

Jeremiah 17:21

Topa in hih bangin ci hi: Na nuntak nop lai uhleh kidawm unla, Sabbath ni-in van pua kei un. Jerusalem khua kongpite-ah bangmah hong lutpih kei un.

Jeremiah 17:27

Ahih hangin ka thu nong ngaih kei uh a, Sabbath ni siangthosak loin, Jerusalem khua kongpite-ah van pua-in nong lutpih uhleh, tua kongpite ka hal ding hi. A mei in Jerusalem khua kumpi innte lawhin kangtum ding a, a mei a kiphelhzo kei ding hi,’ va ci in,” hong ci hi.

Mattiu 12:10

Tua lai-ah a khut langkhat a zaw mi khat a na om hi. Jesuh gamta khial hi, ci-in a mawhna a zong nuam mi pawlkhat tua lai-ah om uh ahih manin tua mite in Jesuh kiangah, “Sabbath ni-in cina damsak ding a kilawm mah ahi hiam?” ci-in a dong uh hi.

Marka 2:24

Tua ahih ciangin Farisi mite in Jesuh kiangah, “Bang hangin Sabbath ni-in gamtat loh dingpi, na nungzuite gamta uh ahi hiam?” a ci uh hi.

Marka 3:4

Tua ciangin mite kiangah, “Sabbath ni-in bang i hih ding i Thukham in hong deih ahi hiam? Huh ding maw, gimsak ding; mi khat a nuntakna hot ding maw, thah ding; koi hong deihzaw ahi hiam?” ci-in a dong hi. Ahih hangin kuamah in dawng lo hi.

Luka 13:14

Ahi zongin Jesuh in Sabbath ni-in cina a damsakna hangin kikhopna inn ukpa a heh suak a, mite kiangah, “Na a kisep theih nading hun ni guk sung om hi. Tua hun sungin hong pai-in kidamsak unla, ahi zongin Sabbath ni-in hong pai kei un,” a ci hi.

Luka 23:56

Tua ciangin amaute ciah uh a, Jesuh’ luang a nuh dingun paknamtui le sathau a bawlkhol uh hi. Thukham zui-in Sabbath ni tawlnga-in a om uh hi.

Luka 6:2

Amaute lakah a om Farisi mite pawlkhat in, “Sabbath ni-in i hih dingin a kilawm lo gamtatna bang hangin gamta na hi uh hiam?” a ci uh hi.

Johan 1:19

Jerusalem khua-a Jew mi uliante in Johan kiangah siampite le Levi mite paisak uh a, “Nang kua na hi hiam?” ci-in a dongsak uh hi.

Johan 5:11

amah in, “Kei hong damsak pa in, ‘Na lupna pheek la inla pai in,’ hong ci hi,” ci-in a dawng hi.

Johan 5:15

Tua ciangin amah zong pusuak a, Jerusalem khua-a Jew mi uliante kiangah, “Keimah hong damsak pa pen Jesuh ahi hi,” ci-in a va ko hi.

Johan 5:16

Tua ahih manin Jesuh in Sabbath ni-in cina a damsakna hangin amaute in Jesuh bawlsiat ding a kipan uh hi.

Johan 7:23

Moses thupiakna a kipelh loh nadingin Sabbath ni-in vun at na hih uhleh Sabbath ni-in mi khat ka damsak manin bang hangin kei tungah heh na hi uh hiam?

Johan 9:16

Farisi mi pawlkhat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawlkhatte in, “A gamta khial mi in bang hangin hih bangin nalamdang bawlthei ding ahi hiam?” ci leuleu ahih manin mite’ ngaihsutna kituak lo hi.