Johan 5:1 - Tedim Bible

¹ Tua khit ciangin, Jerusalem khua-ah Jew mite biakna pawi kibawl ahih manin Jesuh zong a pai hi.

Tedim Bible Revision 2017

¹ Tua khit ciangin, Jerusalem khua ah Jew mite biakna pawi kibawl ahih manin Jesu zong a pai hi.

Johan 5:1 Iomraidhean Croise

Paikhiatna 34:23

“Pasal khempeuh Israel Pasian, Topa Pasian’ mai-ah kum khatin thumvei kilak ding uh hi.

Mattiu 3:15

Ahi zongin Jesuh in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Johan 2:13

Jew mite’ Paisan Pawi hun hong naita ahih manin Jerusalem khua-ah Jesuh a pai hi.

Galati 4:4

Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Thu-hilhkikna 16:1

“Abib kha tang unla, Topa na Pasian uh a dingin Paisan Pawi bawl un. Bang hang hiam cih leh Abib kha sungin Topa na Pasian un Egypt gam panin zanin note hong paikhiatpih hi.

Thu-hilhkikna 16:16

“Amah in a teelna mun, Topa na Pasian uh mai-ah pasal khempeuh kum khatin thumvei, silngo sawh loh anlum pawi, nipikal pawi, le buk pawi-ah kilaak ding uh hi. Amaute khut hawmguakin Topa’ mai-ah kilak lo ding uh hi. Topa na Pasian un note thupha hong piaknasa tawh kizui-in mi khempeuh in ama hih theih bang ciatin pia ding uh hi.