Johan 4:48 - Tedim Bible

⁴⁸ Jesuh in ama kiangah, “Note in lim le nalamdang lian ka bawl na muh kei uhleh Topa ka hihna thu na hong um kei ding uh hi,” a cih ciangin

Tedim Bible Revision 2017

⁴⁸ Jesu in ama kiangah, “Note in lim le nalamdang lian ka bawl na muh kei uh leh Topa ka hihna thu na hong um kei ding uh hi,” a cih ciangin

Johan 4:48 Iomraidhean Croise

Daniel 4:2

A Lianpen Pasian in kei tungah lim le nalamdang a hong lahna thute ka hong gen nuam hi.

Daniel 6:27

Amah pen a honkhia pa le a suaktasak pa hi a, vantung le leitungah lim le na lamdangte a bawl hi. Humpinelkaite’ thahatna panin Daniel a suaktasak hi,” a ci hi.

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi uh hiam? Amaute’ lakah ka hihsa limte om napi-in, amaute in bang tanvei hong um lo lailai ding ahi uh hiam?

Mattiu 16:1

Jesuh kiangah Farisi mite le Saddusi mite pawlkhat a hong pai uh hi. Amaute in Jesuh a mawhsak theih nading uh a deihna-in Pasian tawh a kipawl ahihna a lah nadingin lim khat a lah ding a ngen uh hi.

Mattiu 24:24

Bang hang hiam cih leh Khrih a kineihkhemte le kamsang a kineihkhemte hong piang ding a, ahih zawh leh a teelsa mite nangawn a khem nadingun lim le nalamdang lianpipi hong bawl ding uh hi.

Mattiu 27:42

“Amah in midangte honkhia thei napi-in amahmah kihonkhia thei lo hi. Amah, Israel mite’ Kumpi ahi hi. Tu-in singlamteh tung panin hong kumsuk leh i um ding hi.

Marka 13:22

Bang hang hiam cih leh Khrih kineihkhemte le kamsang kineihkhemte hong piang ding a, ahih zawhleh, a teelsa mite nangawn a khem nadingun lim le na lamdangte hong bawl ding uh hi.

Luka 10:18

Jesuh in amaute kiangah, “Vantung panin keekkia bangin Satan a kiatna ka mu hi.

Luka 16:31

Ahi zongin Abraham in, ‘Amaute in Moses le kamsangte’ thu a mannop kei uhleh, mi khat hong hingkikin amaute kiangah a va gen hangin umsakzo tuan lo ding hi,’ ci-in a dawng hi,” a ci hi.

Johan 12:37

Amaute’ muhin Jesuh in hih nalamdang khempeuh a bawl hangin amaute in um lo uh hi.

Johan 15:24

Kuamah in a bawl ngei loh na lamdangte amaute lakah a bawl lo hi leng amaute in mawh pualo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 2:18

Tua ciangin Jerusalem khua-ah a om Jew uliante Jesuh kiangah hong pai uh a, “Hih bangin na gamtat theih nading thu na neihna bang lim tawh hong lakthei ding na hi hiam?” ci-in a dot uh ciangin

Johan 20:29

Jesuh in, “Kei na hong muhkhit ciang bekin hong um pan na hi hiam? Kei hong mu lo napi-in hong umte a dingin lungdamhuai mahmah zaw ding hi,” a ci hi.

Johan 4:49

ulianpa in, “Sia aw, ka ta a sih ma-in hong pai ta peuh in,” ci-in a thum hi.

Sawltak 14:3

Tua lai-ah sawltakte sauveipi tam uh a, Topa Jesuh thu hangtakin a hilh uh hi. Ama dikna thu a hilhnate uh man hi, ci-in a lah nadingin Topa in amaute tungah lim le nalamdang bawltheih nading vangliatna a pia hi.

Sawltak 15:12

Tua ciangin Barnabas le Paul in Gentail mite lakah amau tungtawnin Pasian in lim le nalamdang a bawlnate khempeuh a gen laitakun mi khempeuh pau loin a om uh hi.

Sawltak 2:19

Tua ciangin vantung le leitungah hilhkholhna lim le nalamdang ka bawl ding hi. Sisan kiluansakna, meikatna le meikhu sahpi hong om ding hi.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesuh tungtawnin Pasian in lim le na lamdangte bawlin na hong sem ahih manin, Jesuh pen Pasian’ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Sawltak 2:43

Sawltakte in lim le nalamdang tampi bawl uh a, mi khempeuh in lamdang sa mahmah uh hi.

Sawltak 4:30

Cinate damsak theih nading vangliatna hong pia inla, a siangtho na Nasempa Jesuh’ min tawh nalamdang kibawl ta hen,” a ci uh hi.

Sawltak 5:12

Sawltakte in mite lakah lim le nalamdang tampi a bawl uh hi. Thu um mi khempeuh Solomon’ Talap-ah kikhawmin a om uh hi.

Sawltak 6:8

Pasian in Stefen’ tungah thupha tampi tak pia-in vangliatna lianpi neisak a, amah in mite lakah lim le nalamdang lianpipi a bawl hi.

Sawltak 7:36

Amah in Egypt gam le San Tuipi-ah lim le na lamdangte bawlin, Egypt gam panin Israel mite paikhiatpih a, gamlakah kum sawmli sung amaute a makaih hi.

1 KORIN MASA 1:22

A uptheih nadingun Jew mite in nalamdang kal uh a, Grik mite in pilna a thupisak uh hi.

2 KORIN NIHNA 12:12

Sawltak man taktak ka hihna lim a kilangsak nate, note lakah lungduai takin hong kisem a, lim, nalamdang, le na a tuamtuamte note lakah hong kibawl hi.

2 THESALONIKA NIHNA 2:9

Satan’ vangliatna tawh A Gilopa hong pai-in, lim le nalamdang a tuamtuamte hong bawl ding a,

Hebru 2:4

Amaute’ thugenna banah Pasian in vangliatna lim, le nalamdang a tuamtuamte bawlna tawh hong genbeh lai hi. Tua banah ama hoihsak bangin Pasian in Kha Siangtho zong hong hawm lai hi.