Johan 4:42 - Tedim Bible

⁴² Tua thu um mite in tua numei kiangah, “Nangma thugenna hangin a um ka hi nawn kei uh a, komau mahmah in a thugen za-in, leitung mite a Honkhia ding pa taktak hi, ci-in thei ka hih manun a um ka hi uh hi,” a ci uh hi.

Tedim Bible Revision 2017

⁴² Tua thu um mite in tua numei kiangah, “Nangma thugenna hangin a um ka hi nawn kei uh a, komau mahmah in a thugen za-in, leitung mite a Hon khia ding pa taktak hi, ci-in thei ka hih manun a um ka hi uh hi,” a ci uh hi.

Johan 4:42 Iomraidhean Croise

Isaiah 45:22

“Leitung mi khempeuhte aw, kei lamah hong kihei unla hotkhiatna ngah un! Bang hang hiam cih leh kei pen Pasian ka hi a, kuamah dang om lo hi.

Isaiah 52:10

Topa in minam khempeuh mai-ah a vangliatna siangtho zangin ama mite honkhia hi. Leitung mi khempeuh in i Pasian’ hotkhiatna mu ding uh hi.

Mattiu 1:21

Amah in tapa khat hong nei ding a, tua tapa in ama mite a mawhna uh panin honkhia ding ahih manin ama min dingin Jesuh na phuak ding hi,” ci-in thu a gen hi.

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Johan 1:29

A zing ciangin Johan in ama kiangah Jesuh hong pai a muh ciangin, “En un, leitung mawhna a lakhia Pasian’ Tuuno hih lai-ah hong pai hi.

Johan 11:17

Jesuh a tun ciangin Lazaras a kivui zawh ni li a phak khitna thu a thei hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 4:29

“Hong pai un. Ka gamtatnasa a hong thei pa va en ni. Amah Khrih hi kha ding hi,” a va ci hi.

Johan 4:41

Tua ahih manin tua numei’ thugenna hangin Jesuh a um mi tampi tak kibehlap hi.

Sawltak 13:23

Pasian in ama ciamsa bangin Israel mite a honkhia dingin hih David’ suan sung pan Jesuh a bawl hi.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngahtheih nadingin leitung khempeuhah Pasian in hong piak min dang khat zong om lo hi,” ci-in a gen hi.

Sawltak 5:31

Israel mite kisik kikin Pasian in a mawhna uh a maisak theih nadingin Ukpi le Honpa-in tua Jesuh bawlin ama taklamah a tusak hi.

2 KORIN NIHNA 5:19

Tua ahih manin kote’ thugen bulpi in: Pasian in mite’ mawhnate ngaihsun nawn loin, Khrih hangin leitung mi khempeuh le amah a kilemin hong bawl a, tua kilemna thu a gen dingin kote hong seh hi.

1 TIMOTI MASA 4:10

A diakdiakin ei thu umte in mi khempeuh a Honkhia, a nungta Pasian muangin lamen ihih manin nakpitakin hanciamin na a sem ihi hi.

1 JOHAN MASA 2:2

Tua Jesuh hangin eite’ mawhna hong kimaisak a, eite a’ ding bek hi loin leitung mi khempeuh’ mawhna zong a mai nading ahi hi.

1 JOHAN MASA 4:14

Pa Pasian in leitung mite a honkhia dingin a Tapa a hong paisakna thu kote in thei-in midang kiangah genbelin ka nei uh hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.