Johan 4:41 - Tedim Bible

⁴¹ Tua ahih manin tua numei’ thugenna hangin Jesuh a um mi tampi tak kibehlap hi.

Tedim Bible Revision 2017

⁴¹ Tua ahih manin tua numeiʼ thugenna hangin Jesu a um mi tampi tak kibehlap hi.

Johan 4:41 Iomraidhean Croise

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Luka 4:32

Amah in aana neite bangin thu gen ahih manin amaute in lamdang a sa mahmah uh hi.

Johan 4:40

Tua ahih manin Jesuh kiangah Samaria mite a va tun uh ciangin amaute’ khua-ah a taam nadingin kun uh a, Jesuh zong tua khua-ah ni nih a taam hi.

Johan 4:42

Tua thu um mite in tua numei kiangah, “Nangma thugenna hangin a um ka hi nawn kei uh a, komau mahmah in a thugen za-in, leitung mite a Honkhia ding pa taktak hi, ci-in thei ka hih manun a um ka hi uh hi,” a ci uh hi.

Johan 6:63

Nuntakna a piathei pen Pasian’ Kha hi a, mihingte’ hihtheih bangmah om lo hi. Keima hong gen thute pen nuntakna a hong piathei tua Kha thu ahi hi.

Johan 7:46

Palikte in, “Hih mipa’ thugen bangin a gen kuamah om nai lo hi,” a cih uh ciangin

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Sawltak 15:3

Amaute a pai uh ciangin pawlpi mite in khuanawl ciang va kha uh a, Gentail mite zong Pasian lamah a kiheina thu, a nawkna uh Foenisia gamah gen kawikawi uh ahih manin thu um mite khempeuh a nuam mahmah uh hi.

Sawltak 8:12

Ahi zongin Pasian’ Ukna Lungdamna Thu le Jesuh Khrih thu, Filip’ gente a up uh ciangin, numei pasal a um khempeuh tui a kiphum uh hi.

Sawltak 8:25

Amaute in Jesuh Khrih thu a theihte uh genin Topa’ thugente a hilh khit uh ciangin Jerusalem khua-ah a ciahkik uh hi. A ciahkik kawmun Samaria khuaneu lampite-ah Lungdamna Thu a hilh uh hi.

Hebru 4:13

Pasian’ mai-ah seelcip theih ding bangmah om lo hi. Eite khempeuh i dinna ding pa’ mai-ah a kipiangsak na khempeuh a kiliah a ki-im thei om loin kimu sinsen hi.