Johan 4:37 - Tedim Bible

³⁷ Tua ahih manin, ‘Khat in khai tuhin, adang khat in a an la,’ ci-in paunak a om pen thuman mahmah hi.

Tedim Bible Revision 2017

³⁷ Tua ahih manin, ‘Khat in khai tuhin, a dang khat in a an la,’ ci-in paunak a om pen thuman mahmah hi.

Johan 4:37 Iomraidhean Croise

JOB (Job) 31:8

ka khawhsa ante midangte’ nek suak hen la, ka an neih khempeuh maimang tahen.

Micah 6:15

Khai na tuh uh hangin an na la kei ding uh hi. Oliv gah na cil uh hangin a thau na zangkha kei ding uh a, leenggah na cil uh hangin a zu na dawnkha kei ding uh hi.

Luka 19:21

Nang pen mi sit hak khat na hih manin kong kihta hi. Sum lam lopi-in sum deih pa na hi a, lokho lopi-in an la nuampa na hi hi,’ a hong ci hi.

Johan 14:12

A mantakin ka hong genin-ah, kei hong umte in keima sep nate mah sem ding hi. Pa kiangah kei ciah ding ka hih manin keima sep sangin zong a lianzaw sem lai ding uh hi.

Johan 4:36

Khaituh pa le anla pa a lungdam khawm theih nadingin anla pa thaman a kipiak mah bangin anla pa in zong a nungta tawntung dingin mi a khawm ding hi.

Johan 4:38

Tua ahih manin note in na khawh loh uh lo-ah an a la dingin ka hong sawl hi. Midang in tua lo na kho a, note in a lak bek a si na hi uh hi,” a ci hi.

Thukhente 6:3

Bang hang hiam cih leh Israel-te in khai a tuh peuhmah uh ciangin Midian-te le Amalek mite le Nisuahna lam mite hong pai-in amaute sim uh hi.