Johan 4:31 - Tedim Bible

³¹ Mite a hong tunma hunsung tengin a nungzuite in, “Sia aw, an ne in,” ci-in a kun uh hi.

Tedim Bible Revision 2017

³¹ Mite a hong tun ma hunsung tengin a nungzuite in, “Sia aw, an ne in,” ci-in a kun uh hi.

Johan 4:31 Iomraidhean Croise

Piancilna 24:33

Tua ciangin nek dingin a mai-ah an kilui hi. Ahih hangin amah in, “Ka thu ka gen khit matengin an ka ne kei ding hi,” a cih ciangin amah in, “Gen in,” a ci hi.

Mattiu 23:7

Mihon lakah mite in hopihin, ‘Sia aw,’ a cih ding uh a ut uh hi.

Mattiu 23:8

Ahi zongin note pen, ‘Sia,’ na kicih ding uh hi lo hi. Sia khat bek na nei uh a, no adangte khempeuh unau khat na hi uh hi.

Mattiu 26:25

Jesuh a lehhek pa Judas in, “Topa aw, kei ka hi hiam?” a cih ciangin, “Na ci khin hi,” ci-in Jesuh in a dawng hi.

Mattiu 26:49

Judas zong Jesuh kiangah hong paipahin, “Topa aw, thupha ngah ta in,” ci-in hopihin limnap mahmah hi.

Marka 11:21

Peter in a thu phawk ahih manin, “Sia aw, na theikung samsiat a sita hi,” a ci hi.

Marka 14:45

Tua ahih manin hong tun phetin Jesuh kiangah paipah a, “Sia aw,” ci-in limnap mahmah hi.

Marka 9:5

Peter zong hong pau-in Jesuh kiangah, “Sia aw, hih lai-a i om, nuam mahmah hi. Nang a’ ding buk khat, Moses a’ ding buk khat, Elijah a’ ding buk khat kong lamsak ding uh hi,” a ci hi.

Johan 1:38

Jesuh kihei a, amau tegel in a zuihlam a muh ciangin, “Bang zong na hi uh hiam?” ci-in a dong hi. Amaute in, “Sia aw, koi lai-ah om na hi hiam?” ci-in a dawng uh hi.

Johan 1:49

Tua ciangin Nethanel in, “Sia aw, nang, Pasian’ Tapa na hi hi. Israel mite’ Kumpi zong na hi hi,” a cih ciangin

Johan 11:8

a nungzuite in, “Sia aw, zan mah deuhin Judea gam mite in nang denlup hong sawm uh ahih manin tua gamah paikik sawm na hi hiam?” a cih uh ciangin

Johan 3:2

Khatvei zan khuamial laitakin Jesuh kiangah va pai a, “Sia aw, mi khat peuhpeuh Pasian in ompih lo hileh hih na lamdangte kuamah in bawl thei lo ding ahih manin nang pen Pasian’ hong sawl siapa na hihna ka hong thei uh hi,” a ci hi.

Johan 3:26

Tua ahih manin Johan nungzuite a kiangah hong pai uh a, “Sia aw, Jordan Gun galkhatah na om khawmpih ngei pa, ama thu na genna na phawk lai hiam? Tu-in amah in mi tuiphumphum a, mi khempeuh in amah zuan uh hi,” ci-in a gen uhleh

Johan 4:30

Tua ahih manin a khuapihte zong Jesuh kiangah a va pai uh hi.

Johan 4:32

Ahi zongin Jesuh in, “Note in na theih loh uh nek ding an ka nei hi,” a na ci hi.

Johan 6:25

Tui galkhatah Jesuh a muh uh ciangin, “Sia aw, bang hunin hih lai na tung na hi hiam?” a ci uh hi.

Johan 9:2

A nungzuite in, “Sia aw, hih pa a mittawtna ama mawhna hang ahi hiam, a nu a pate’ mawhna hang ahi hiam?” ci-in a dong uh hi.