Johan 4:15 - Tedim Bible

¹⁵ Tua ciangin numei in, “Sia aw, tua bang ahihleh ka dang a tak nawn loh nading le hih lai-ah tuitawi-in ka pai nawn loh nadingin kei zong tua tui hong pia in,” a ci hi.

Tedim Bible Revision 2017

¹⁵ Tua ciangin numei in, “Sia aw, tua bang ahihleh ka dang a tak nawn loh nading le hih lai ah tui tawi-in ka pai nawn loh nadingin kei zong tua tui hong pia in,” a ci hi.

Johan 4:15 Iomraidhean Croise

Late 4:6

Mi tampi in, “Thupha tampi hong pia in. Ko tungah na maitang vang hong taangsak in, Topa!” ci uh hi.

Johan 4:16

Tua ciangin Jesuh in, “Va ciahin na pasal va sam inla, hih lai-ah hong paikik un,” a ci hi.

Johan 6:26

Jesuh in, “A mantakin ci lehang: Ka nalamdang bawlte na muh uh ciangin kei hong umin a hong zong na hi kei uh a, an na khamtakun na nek uh manin a hong zong na hi bek uh hi.

Johan 6:34

Tua ciangin amaute in, “Sia aw, kote tungah tua an hong pia tawntung in,” a ci uh hi.

Johan 6:35

Tua ciangin Jesuh in, “Kei pen nuntakna an ka hi hi. Ka kiangah hong paite gilkial ngei nawn lo ding a, kei hong umte dangtak ngei nawn lo ding hi.

ROM (Romans) 6:23

Bang hang hiam cih leh mawhna in thaman hong piak pen sihna hi a, ahi zongin i Topa Jesuh tawh i kipawl manin Pasian’ hong piakkhong pen nuntak tawntungna ahi hi.

ROM (Romans) 8:5

Amau pumpi deihna bangin a nungtate, amau pumpi deihna in a lungsim uh a uk hi; Kha Siangtho deihna bangin a nungtate, Kha Siangtho in amau lungsim a uk hi.

1 KORIN MASA 2:14

Ahi zongin Kha Siangtho a nei lo mite in Pasian’ Kha Siangtho in a hong piak nate sang thei lo uh hi. Kha Siangtho a nei mite bek in theithei uh ahih manin amaute in tel thei lo uh a, amau a dingin a haihuai thu khat ahi lel hi.

Jeim 4:3

Pasian kiangah na nget sun uh ciangin zong note’ nopsak nading bek ngenin, na ngaihsutna uh man lo ahih manin a ngah lo na hi uh hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.