Johan 3:6 - Tedim Bible

⁶ Mihing sung panin a suakte mihing mah hi bek a, Kha tawh a suakte pen kha mi ahi hi.

Tedim Bible Revision 2017

⁶ Mihing sung panin a suakte mihing mah hi bek a, Kha tawh a suakte pen kha mi ahi hi.

Johan 3:6 Iomraidhean Croise

Piancilna 5:3

Adam kum za le kum sawmthum a phak khit ciangin, amah a sun tapa khat nei a, Seth ci-in a min a phuak hi.

Piancilna 6:12

Pasian in leitung en a, a kisiagawp mu hi. Bang hang hiam cih leh leitungah mi khempeuh a sia-in a gamta lo kuamah om lo hi.

Piancilna 6:5

Leitungah mihing a gitlohna a liatna le mihing lungsim ngaihsutna peuhmah a sia ahih ngitngetna thu Topa in mu hi.

JOB (Job) 14:4

Mihing banga a ninte sung panin a siang hong piang lo ding hi.

JOB (Job) 25:4

Pasian’ muhna-ah kua dikzo ding a, siangthozo ding ahi hiam?

Late 51:10

Pasian aw, keima sungah lungsim siangtho hong piangsak inla, a thak a man ngaihsutna ka sungah hong guan in.

Johan 1:13

Tua bangin Pasian’ tate suahna pen leitung ngeina nute pate sung panin suahna tawh hi loin Pasian sung panin suahna ahi hi.

Johan 3:7

Tua ahih manin, ‘Na suahkik ding ahi hi,’ ka hong cihna hangin lamdangsa kei in.

ROM (Romans) 7:18

Ka leitung pumpi sungah a hoih na khat beek om lo hi, ci-in ka thei hi. Ka sungah a hoih gamtatnopna lungsim a om hangin ka hihzo kei hi.

ROM (Romans) 7:25

I Topa Jesuh Khrih in hong honkhiazo ding ahih manin Pasian tungah ka lung a dam hi. Kei’ omzia taktak ahihleh: Ka lungsim tawh Pasian’ thu ka zui a, ka pumpi in mawhna a piangsak thu a zui hi.

ROM (Romans) 7:5

I leitung lungsim tawh i nuntak laiteng, thukham hangin i hihnop semsem mawhnopnate i gamta a, tuate khempeuh sihna tawh a kizom ahi hi.

ROM (Romans) 8:13

Na pumpi uh deihna zui-in na gamtat uhleh na si ding uh a, ahi zongin Kha Siangtho huhna tawh na mawh gamtatnate uh na sihsak uhleh na nungta ding uh hi.

1 KORIN MASA 6:17

Ahi zongin Topa tawh a kizomte pen kha thu tawh kisai-in amah tawh pumkhat ahi uh hi.

2 KORIN NIHNA 5:17

Tua ahih manin mi khatpeuh, Khrih tawh a kipawl ciangin mi thak suak a, a mi lui ngeina bei-in a mi thak ngeina a neita ahi hi.

Galati 5:24

Tua hi a, Jesuh Khrih a zui mite in a leitung lungsim pianzia uh le a leitung lungsim deihna khempeuh uh a phiat khitsa ahi hi.

Efesa 2:3

A taktakin eite khempeuh zong amaute mah i bang ngei a, i pianpih lungsim zui-in nungta-in, i pumpi le i lungsim deihna bangin i gamta hi. Tua ahih manin eite khempeuh zong Pasian’ hehna hangin gim a thuak dingte ihi hi.

Kolose 2:11

Amah tawh na kipawlna uh hangin mihingte in pumpi vun a at uh bang hi loin, Khrih’ vun-atna ahi mawhnopna lungsim tawh kipelhna a ngah khinta na hi uh hi.

1 JOHAN MASA 3:9

Pasian’ tate in mawhna bawlbawl lo uh hi. Pasian’ tate hi a, Pasian’ lungsim paii uh ahih manin mawhna zong bawl nuam lo uh hi.