Johan 3:32 - Tedim Bible

³² Amah in a muhsa leh a zaksa thu a gen hinapi-in kuamah in ama thugen um lo uh hi.

Tedim Bible Revision 2017

³² Amah in a muh sa leh a zak sa thu a gen hi napi-in kuamah in ama thugen um lo uh hi.

Johan 3:32 Iomraidhean Croise

Isaiah 50:2

“Kong pai ciangin bang hangin mi khat zong om lo ahi hiam? Kong sap ciangin bang hangin hong dawng ding khat zong om lo ahi hiam? Hong hon zo lo zah dingin ka khut hat lo lua ahi hiam? Tua ahih kei leh zong note khahkhiatna ding vangliatna nei lo ka hi hiam? Keima taina tawh tuipi ka keusak a, gunte pen sehnel gam ka suaksak hi. Tui om loh manin a ngasate dangtakin si-in a uih gawp hi.

Isaiah 53:1

Tua ciangin mite in, “I zak thu kua in um thei ding ahi hiam? Hih bang thu-ah Topa’ vangliatna khut kua in bangci muh theih ding ahi hiam?

Mattiu 7:8

Bang hang hiam na cih uhleh a ngente khempeuh in ngah ding uh a, a zongte khempeuh in mu ding uh a, a kiute khempeuh a’ ding kong kihon ding hi.

Johan 1:11

A khua le a tui-ah va pai a, ahi zongin a khuapih a tuipihte in ama thugen na ngai lo uh hi.

Johan 15:15

Nasemte in a tote’ nasepna bangmah thei lo ahih manin note pen nasemte ka hong ci nawn kei ding hi. Ka Pa’ tung panin ka zak thu khempeuh note kiangah hong genkhin ka hih manin note, lawm, ka hong ci zaw ding hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesuh in, “Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 3:11

A mantakin kong genin-ah, kote in ka theihsa uh thu bek genin, ka muhsa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

Johan 3:26

Tua ahih manin Johan nungzuite a kiangah hong pai uh a, “Sia aw, Jordan Gun galkhatah na om khawmpih ngei pa, ama thu na genna na phawk lai hiam? Tu-in amah in mi tuiphumphum a, mi khempeuh in amah zuan uh hi,” ci-in a gen uhleh

Johan 3:33

Ama thugen a umte pen, Pasian’ thugen man hi, ci-in a um ahi uh hi.

Johan 5:20

Pa in a Tapa itin, ama septeng mah lak a, mailam hunah zong hih sangin a lianzaw a sep ding lak lai ding ahih manin lamdang na sa mahmah ding uh hi.

Johan 8:26

Note’ thu genin, note’ thu ka khen ding tampi tak om hi. Kei a hong sawl pa a thuman a thutak hi a, ama tung panin ka zaksa thute bek leitung mite tungah a pulak ka hi hi,” ci-in a dawng hi.