Johan 3:3 - Tedim Bible

³ Jesuh in, “A mantakin kong genin-ah, mi khatpeuh a suahkik kei leh Pasian’ Ukna sungah lut thei lo ding hi,” a ci hi.

Tedim Bible Revision 2017

³ Jesu in, “A mantakin kong genin ah, mi khatpeuh a suahkik kei leh Pasianʼ Ukna sungah lut thei lo ding hi,” a ci hi.

Johan 3:3 Iomraidhean Croise

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

Ezekiel 36:26

Note sungah lungtang thak le lungsim thak kong guan ding a, na suang lungtang uh hong lakkhiatsakin mihing lungtang kong guan ding hi.

Mattiu 16:17

Tua ciangin Jesuh in ama kiangah, “Jonah’ tapa Simon aw, hoih mahmah hi. Hih thu, leitung pilna tawh na theihtawm hi lo a, vantungah a om ka Pa in nangma tungah hong hilh ahi hi.

Mattiu 19:24

Adang khat hong gen leuleu ning: Pasian ukna sungah mihau khat a lut ding sangin phim bilvang sungah kalaoh khat a lut ding baihzaw lai hi,” a ci hi.

Mattiu 21:31

Hih tapa nihte sung panin a koi bel pen a pa’ deih bangin gamta ahi hiam?” a ci hi. Amaute in, “A ta uzaw a ta hi,” a ci uh hi. Tua ciangin Jesuh in amaute kiangah, “Note kiangah a mantak a kong genin-ah: Pasian’ ukna sungah note sangin siahdongte le numei paktatte lut masazaw ding hi.

Mattiu 5:18

Hoihtakin na phawk ding uh thu panin: Van le lei a bei mateng, hih thukhamte a neupen khat nangawn’ deihna tangtung lopi-in mawkmai lo ding hi.

Marka 10:14

Jesuh in tua thu a phawk ciangin a heh suak a, a nungzuite kiangah, “Naupangte kham kei unla, ka kiangah hong paisak un. Bang hang hiam cih leh Pasian’ Ukna sungah hih bang mite a om ahi hi.

Marka 9:47

Na mit in hong khialhsak leh khelkhia in. Mit kim tawh hell khuk sungah hong kikhiat sangin mit langkhat taw-in Pasian’ Ukna sungah om lecin nang a dingin hoihzaw hi.

Johan 1:13

Tua bangin Pasian’ tate suahna pen leitung ngeina nute pate sung panin suahna tawh hi loin Pasian sung panin suahna ahi hi.

Johan 1:5

Tua khuavak pen khuamial lakah taang a, khuamial in tua khuavak a zo kei hi.

Johan 1:51

Tua ciangin Jesuh in, “Ke’n a mantak kong genin-ah, vantung a kihong na mu ding uh a, Mihing Tapa le vantung kikalah Pasian’ vantung mite a kumsuk a kahto na mu ding uh hi,” a ci hi.

Johan 12:40

“Amaute’ natna ka damsak loh nadingin a mit un mu loin, a lungsim un a theihtheih loh nadingun amaute’ mit ka tawsak a, a lungsim uh ka mawlsak hi, Pasian in ci hi,” ci-in zong na gen lai hi.

Johan 3:4

Tua ciangin Nikodemas in, “Mi khat a teek khit ciangin bangci suahkik thei ding ahi hiam? A nu’ sungah lutkikin suakkik thei ding ahi hiam?” ci-in a dot ciangin

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khrih minthanna hangin amaute tungah a hong taang lungdamna thu khuavak mu thei lo uh hi.

2 KORIN NIHNA 5:17

Tua ahih manin mi khatpeuh, Khrih tawh a kipawl ciangin mi thak suak a, a mi lui ngeina bei-in a mi thak ngeina a neita ahi hi.

Galati 6:15

Vun ki-atna le ki-at lohna a thupi om tuan lo a, mi thak nam pawl hih ding bek a thupi ahi hi.

Efesa 2:1

A beisa hunah na thuman lohna uh le na mawhna uh hangin kha thu tawh kisai-ah a si na hi uh hi.

Thu-hilhkikna 29:4

Ahih hangin tuni dongin Topa in note’ tungah a thu na tel nading uh lungsim hitaleh, na muh nading uh mit hitaleh, na zak nading uh bil hitaleh hong pia nai lo hi.

Titu 3:5

amah in eite hong honkhia hi. Eite in na hoih i sepzawhna hangin hong honkhia hi loin eite tungah suahtakna le nuntakna thak a hong pia Kha Siangtho in hong sawpsiangna hangin a hong hehpihna tawh a hong honkhia ahi hi.

Jeim 3:17

Ahi zongin tunglam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

1 PETER MASA 1:3

I Topa Jesuh Khrih’ Pa Pasian tungah lungdam ni. Ama hong hehpih mahmahna hangin sihna panin Jesuh Khrih a thawhkik sakna tawh eite tungah nuntakna thak a hong pia hi. Tua ahih manin i lametna kiam ngei lo a,

1 JOHAN MASA 2:29

Khrih, thuman hi, ci-in na theih uh mah bangin a manin a gamta mi khempeuh zong Pasian’ tate hi, ci-in na theih ding uh ahi hi.

1 JOHAN MASA 3:9

Pasian’ tate in mawhna bawlbawl lo uh hi. Pasian’ tate hi a, Pasian’ lungsim paii uh ahih manin mawhna zong bawl nuam lo uh hi.

1 JOHAN MASA 5:1

Jesuh, Khrih hi, ci-in a um mi khempeuh Pasian’ tate hi a, pa a it mi peuhmah in a ta zong a it hi.

1 JOHAN MASA 5:18

Pasian’ tate in mawhna bawlbawl lo uh hi. Pasian’ Tapa in amaute kem a, Dawimangpa in amaute susia zo lo hi.

1 JOHAN MASA 5:4

Pasian’ ta ahite peuhmah in leitung nate zo uh a, i upna tawh leitung nate tungah a gualzo ihi hi.

Mangmuhna 3:14

“Laodisia khua pawlpi vantungmi kiangah lai gelh inla, thuman le citakin teci a pang, Pasian’ piansakte khempeuh a kipatna ahi Amen’ thugen in: