Johan 3:20 - Tedim Bible

²⁰ A gamtat hoih lo mite in a siatna uh a kilatkhak ding ut lo uh ahih manin khuavak deih lo uh a, khuavakah pai nuam lo uh hi.

Tedim Bible Revision 2017

²⁰ A gamtat hoih lo mite in a siatna uh a kilat khak ding ut lo uh ahih manin khuavak deih lo uh a, khuavak ah pai nuam lo uh hi.

Johan 3:20 Iomraidhean Croise

2 SAMUEL NIHNA 13:9

Tua ciangin amah in sikbeeldai la-in ama mai-ah sungkhia a, ahih hangin amah in ne nuam lo hi. Tua ciangin Ammon in, “Kei kiang panin mi khempeuh sawlkhia masa in,” a ci hi. Tua ahih ciangin ama kiang panin mi khempeuh paikhia hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih nading, Imlah’ tapa Mikaiah a kici mi khat omlai hi. Ahih hangin amah in kei’ thu a hoih gen ngei loin a sia gen den ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 3:20

Tua ciangin zankim laitakin amah tho-in, na nasemnu ka ihmut laitakin ka kiang panin ka tapa la-in ama ang-ah koih a, ama tapa si kei’ ang-ah hong koih hi.

Late 50:17

Bang hang hiam cih leh hilh ding na ut kei uh a, ka thute na nunglam uhah na paai uh hi.

Paunak 1:29

Note in pilna na deih kei uh a, Topa na zahtak nuam kei uh hi.

Paunak 15:12

A kihisak mite in kithuhilhna ngai nuam lo uh a, mipilte kiangah thu dong ngei lo uh hi.

Paunak 16:30

A mit hong sitsante thusia a ngaihsun hi a, a neh hong piksante thusia geel ahi hi.

Paunak 2:13

nuntakna manin a nungta lo, mawhna khuamial sungah a gamta,

Paunak 4:18

Ahi zongin thuman mite’ zuih lampi ahihleh sun dong a taang pha semsem zingsang khuavak tung tawh kibang hi.

Paunak 5:12

Tua ciangin, “Bang hangin thu thei hoh lo a, hong kihilhna mang hoh lo ka hi hiam?

Jeremiah 9:6

Siatna khat khit siatna khat, a banbanin gamta uh a, zuau zong a phuakphuak uh hi. Kei hong thei nuam lo uh hi, Topa in a ci hi.

Luka 11:45

Tua ciangin Thukham hilh siate khat in Jesuh kiangah, “Sia aw, hih bang thu na gen ciangin kote zong a hong ko bawl na hi hi,” a ci hi.

Johan 3:21

Ahi zongin thumanin a gamta mite ahihleh a gamtatnate uh Pasian’ deihna tawh kituak hi, ci-in a kilatsak theih nadingun khuavak sungah a pai uh hi.

Johan 7:7

Leitung mite’ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.