Johan 3:11 - Tedim Bible

¹¹ A mantakin kong genin-ah, kote in ka theihsa uh thu bek genin, ka muhsa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

Tedim Bible Revision 2017

¹¹ A mantakin kong genin ah, kote in ka theih sa uh thu bek genin, ka muh sa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

Johan 3:11 Iomraidhean Croise

Isaiah 50:2

“Kong pai ciangin bang hangin mi khat zong om lo ahi hiam? Kong sap ciangin bang hangin hong dawng ding khat zong om lo ahi hiam? Hong hon zo lo zah dingin ka khut hat lo lua ahi hiam? Tua ahih kei leh zong note khahkhiatna ding vangliatna nei lo ka hi hiam? Keima taina tawh tuipi ka keusak a, gunte pen sehnel gam ka suaksak hi. Tui om loh manin a ngasate dangtakin si-in a uih gawp hi.

Isaiah 53:1

Tua ciangin mite in, “I zak thu kua in um thei ding ahi hiam? Hih bang thu-ah Topa’ vangliatna khut kua in bangci muh theih ding ahi hiam?

Isaiah 55:4

David pen mite tungah teci ding, mite a makai ding le a ukpa dingin ka koih hi.

Isaiah 65:2

A hoih loin gamta-in, amau’ deih bang a zui teitei mite,

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Mattiu 23:37

“Jerusalem, Jerusalem aw, kamsangte na that a, Pasian’ sawl kamtaite na denglum hi. Akpi in a kha tawh a note a huai mah bangin na mite ka huainuam tawntung a, ahi zongin na ut kei hi.

Luka 10:22

Tua ciangin Jesuh in amaute kiangah, “Hih nate khempeuh ka Pa in kei tungah hong ap khinzo hi. Pasian simloh, Tapa a thei kuamah om lo hi. Tapa le Tapa in a theihsaknop mite simloh, Pa a thei kuamah om lo hi,” a ci hi.

Johan 1:11

A khua le a tui-ah va pai a, ahi zongin a khuapih a tuipihte in ama thugen na ngai lo uh hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Johan 12:49

Bang hang hiam cih leh keima utthu tawh thu a mawkgen ka hi kei a, kei hong sawl Pa Pasian in ka gen ding thuteng a hong piak ahi hi.

Johan 14:24

Kei hong it lote in ka thugente zui lo ding uh hi. Tu-a na zak uh thute pen keima thu hi lo a, kei hong sawl Pa Pasian kiang panin a hong pai thu ahi hi.

Johan 3:12

Hih leitung thute tawh a kisai thu kong gen ciangin um lo na hih uhleh vantung thute ka hong gen ciangin bangci up mah ding na hi uh hiam?

Johan 3:13

Vantung panin a hong paisuk Mihing Tapa keimah simloh vantungah a paito ding kuamah om lo hi,” a ci hi.

Johan 3:3

Jesuh in, “A mantakin kong genin-ah, mi khatpeuh a suahkik kei leh Pasian’ Ukna sungah lut thei lo ding hi,” a ci hi.

Johan 3:5

Jesuh in, “A mantakin kong genin-ah, mi khatpeuh tui le Kha Siangtho tawh a suahkik kei leh Pasian’ Ukna sungah lut thei lo ding hi.

Johan 5:43

Ka Pa’ thu tawh kei hong pai napi-in na hong sangnuam kei uh hi. Tua hinapi-in midang khatpeuh ama thu tawh hong paitawm leh na sang ding uh hi.

Johan 7:16

Tua ahih manin Jesuh in, “Ka thugente pen keima thu hi lo a, kei a hong sawl Pasian kiang panin a hong pai thu ahi hi.

Johan 8:14

Jesuh in, “Kei le kei a kigentawm ka hih hangin ka thugente a man mah hi veve hi. Bang hang hiam cih leh koi panin hong pai-in koi lai-ah pai ding cih ka kithei a, note in kei ka hong paikhiatna le ka pai nading a thei lo na hizaw uh hi.

Johan 8:26

Note’ thu genin, note’ thu ka khen ding tampi tak om hi. Kei a hong sawl pa a thuman a thutak hi a, ama tung panin ka zaksa thute bek leitung mite tungah a pulak ka hi hi,” ci-in a dawng hi.

Johan 8:38

Tua ahih manin keimah in ahihleh ka Pa’ hong lahsa thute bek a gen ka hi a, ahi zongin note ahihleh na pa uh hong sawl bangin a gamta na hi uh hi,” a ci hi.

Sawltak 22:18

Tua ka maang sungah Topa in kei kiangah, ‘Hih lai-a om mite in keima thu na gennate hong um lo ding uh ahih manin Jerusalem khua panin kuankhia mengmeng in,’ hong ci hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khrih minthanna hangin amaute tungah a hong taang lungdamna thu khuavak mu thei lo uh hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,

Mangmuhna 3:14

“Laodisia khua pawlpi vantungmi kiangah lai gelh inla, thuman le citakin teci a pang, Pasian’ piansakte khempeuh a kipatna ahi Amen’ thugen in: