Johan 21:7 - Tedim Bible

⁷ Tua ciangin Jesuh in a it nungzui pa in Peter kiangah, “Topa hi!” a ci hi. Simon Peter in Topa ahihna thu a zak ciangin (a nga betna uhah a puante uh suahkhia uh ahih manin) a puan silh buatbuatin tui sungah a leengkhia hi.

Tedim Bible Revision 2017

⁷ Tua ciangin Jesu in a it nungzui pa in Peter kiangah, “Topa hi!” a ci hi. Simon Peter in Topa ahihna thu a zak ciangin (a nga betna uh ah a puante uh suah khia uh ahih manin) a puan silh buatbuatin tui sungah a leeng khia hi.

Johan 21:7 Iomraidhean Croise

Late 118:23

Hih pen Topa’ nasepna hi a, eite’ mitah lamdang hi.

Solomon la 8:7

Tui tampi nangawn tawh kisumit zo lo a, tui sungah i phumcip hangin mitzo tuan lo hi. Mi khat in a neihsa sum khempeuh tawh itna a lei dingin hong kithawi leh kinuihsan lel ding hi.

Marka 11:3

Mi khatpeuh in, ‘Bang hangin tua la khau sut na hi uh hiam?’ hong cih leh, ‘Topa in deih hi; hih lai mahah kong kaikikpah ding uh hi,’ ci-in gen un,” a ci hi.

Luka 12:35

Tua ciangin Jesuh in, “Na kawng uh gakin, na mei uh vakin a kigingsa-in om unla,

Luka 2:11

Tuni-in David khuapi sungah, note a hong honkhia ding Khrih Topa a suak hi.

Luka 7:47

Tua ahih ciangin nang kiangah kong genin-ah, ama mawhna tampi tak a omte kimaisak khin ahih manin amah in a itna nakpitakin a lak hi. Ahi zongin tawmno bek a kimaisakte in a itna uh tawmno bek mahin a lak uh hi,” a ci hi.

Johan 13:23

Jesuh in a itdiak a nungzuite khat ama kiangah tu ahih manin,

Johan 19:26

Jesuh in ama nu le a it a nungzui pa a dingkhawm a muh ciangin a nu kiangah, “Nu aw, tua lai-ah na tapa om hi,” a ci hi.

Johan 20:2

Amah zong tai-in Simon Peter le Jesuh in a it a nungzui pa kiangah, “Amaute in hankhuk panin i Topa lakhia khin uh a, koi lai-ah koih ahi uh hiam, cih ka thei kei uh hi,” a ci uh hi.

Johan 20:20

Tua bangin a hopih khit ciangin a khutte le a pangpi zong a lak hi. Topa a muhna hangun nungzuite a nuam mahmah uh hi.

Johan 20:28

Thomas in zong, “Ka Topa, ka Pasian!” ci-in a dawn ciangin

Johan 21:20

Peter a kihei ciangin, nitak an a nek lai-un Jesuh’ gei-ah tu-in, “Topa aw, nang kua in hong lehhek ding ahi hiam?” ci-in a dong, Jesuh’ it a nungzui pa ama nungah a om a mu hi.

Johan 21:24

Jesuh in tua a cih nungzui pa pen hih thute genin lai sungah a gelh pa hi a, ama thugente a mantaktak hi, ci-in ka thei uh hi.

Johan 21:8

Nungzui dangte ahihleh gunkuang mahah tuangin a ngen uh tawh ngasa a dimtakin a hong kai uh hi. Tua lai mun le a tui gei pen pi zathum bang bek kigamla hi.

Sawltak 10:36

Mi khempeuh’ Topa ahi Jesuh Khrih hangin a kingah Lungdamna Thu, Israel mite tungah Pasian in a puakna thu na thei uh hi.

Sawltak 2:36

“Tua ahih ciangin singlamteh tungah na thah uh hih Jesuh pen Pasian in Topa le Khrih in a bawl khitna thu, Israel mi khempeuh in teltakin thei ta un,” a ci hi.

1 KORIN MASA 15:47

A masa Adam pen leitung leivui tawh a kibawl hi a, a nunung Adam pen vantung panin a hong pai ahi hi.

2 KORIN NIHNA 5:14

Mi khempeuh a dingin mi khat si khin ahih manin mi khempeuh zong a ngeina lui uhah si khinta hi, ci-in ka theihna hangun tua Khrih’ itna in kote’ nuntakna hong uk hi.

Jeim 2:1

Sanggamte aw, minthanna vang tawh a kidim i Topa Jesuh Khrih umin na om laitakun a pualama kilang pianziate siksanin mi na deidan kei un.