Johan 21:19 - Tedim Bible

¹⁹ (Hih bangin a thugenna pen Peter a sih nading zia le Pasian’ min a thansak nading thu a gen nopna ahi hi.) Tua ciangin Jesuh in Peter kiangah, “Hong zui un,” a ci hi.

Tedim Bible Revision 2017

¹⁹ (Hih bangin a thugenna pen Peter a sih nading zia le Pasianʼ min a thansak nading thu a gen nopna ahi hi.) Tua ciangin Jesu in Peter kiangah, “Hong zui un,” a ci hi.

Johan 21:19 Iomraidhean Croise

Gamlak-vakna 14:24

Ahih hangin ka nasem Kaleb ahihleh, amah in lungsim tuam nei-in limtakin kei hong zui ahih manin, amah in a zuat leitangah ka tunpih ding a, ama suanlekhakte in tua leitang luah ding uh hi.

Mattiu 10:38

Ama singlamteh mah puatawm lopi-in ka nung hong zuite kei tawh kilawm lo hi.

Mattiu 19:28

Jesuh in amaute kiangah, “Ke’n limtak a kong genin-ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mattiu 8:22

Jesuh in, “Nangmah in kei hong zui inla, misi bang ahi mite in misite a vui dingun nusiat in,” ci-in a dawng hi.

Johan 12:26

Ka nasemte keima omna-ah a omtheih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Johan 12:33

(Hih bangin a gen ciangin ama sihna dingzia a genna ahi hi.)

Johan 18:32

(Jesuh in ama sihna dingzia a gensa thu a tuntheih nadingin hih bangin a piang ahi hi.)

Johan 21:18

A mantakin ci lehang, na khangno lai-in na kawnggak gakin na utna peuhah na pai zialzial thei hi. Ahi zongin na khangham ciangin na khutte na zan ding a, midangte in na khutte hong henin na ut loh napi ah hong paipih ding uh hi,” a ci hi.

Johan 21:22

Jesuh in, “Ka hong paikik mateng amah a nungta dingin ka deih nakleh nang bang phamawh sa na hi hiam? Nangmah in ka nung hong zui peuh in,” ci-in a dawng hi.

Filippi 1:20

Ka si a, ka hing zongin, a diak diakin tu a kipanin a tawntungin midangte in Khrih phat theih nading lungsim hanna a neih theih nadingun ka lungsim le ka pumpi tawh keima tavuan ka lelh hetloh nading pen ka deihdeih, ka lametet bulpi ahi hi.

2 PETER NIHNA 1:14

I Topa Jesuh Khrih in teltakin hong genkhin ahih manin hih leitung pumpi ka nusiat baih nading thu ka thei hi.

1 SAMUEL MASA 12:20

Tua ciangin Samuel in mite kiangah, “Lau kei un; hih siatnate khempeuh na gamta khin uh hi. Ahi zongin Topa zuihna panin pial kei unla, na lungsim khempeuh uh tawh Topa’ na sem un.