Johan 21:14 - Tedim Bible

¹⁴ Hih pen sihna panin Jesuh a kithawhkiksak khitzawh nungzuite tungah a kilah a thum veina hita hi.

Tedim Bible Revision 2017

¹⁴ Hih pen sihna panin Jesu a kithawhkiksak khit zawh nungzuite tungah a kilah a thum veina hi ta hi.

Johan 21:14 Iomraidhean Croise

Marka 16:12

(Tua khit ciangin khuapi panin khuaneu-ah nungzui nihte a pai laitakun amaute tungah a mel tuam khatin Jesuh kilang hi.

Marka 16:14

(Tua khit ciangin a tawpna-ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu mite’ thugen um lo uh ahih manin a lungkhauhna uh le a up lohna hangun amaute a taii hi.

Johan 20:19

Tua ni pen Nipi ni nitak lam hi a, nungzuite zong a nitakin innsung khatah a kikhop laitakun Jerusalem khua-a Jew mi uliante a kihtakna uh hangin inn a kikalhnelh uh hi. Tua bang hinapi-in amaute lakah Jesuh hong ding a, “Nopna ngah ta un,” ci-in a hopih hi.

Johan 20:26

Tua zawh nipikal khat ciangin nungzuite zong innsung khatah kikhawm leuleu uh a, tua hunin Thomas zong a om hi. Amaute kong kikhaknelh uh hinapi-in Jesuh hong pai-in amaute lakah hong ding a, “Nopna ngah ta un,” ci-in a hopih khit ciangin

Johan 21:1

Tua khit ciangin a nungzuite omna Tiberias Tuili gei-ah Jesuh kilang leuleu a, a thu pianzia hih bang ahi hi:

Sawltak 1:3

Ama sih khitzawh ni sawmli sung amaute tungah tam veipi kilang a, amah a nungta taktak ahihna teltakin a kithei ahi hi. Amaute in amah mu uh a, Pasian’ Ukna thu amaute tungah a gen hi.