Johan 20:19 - Tedim Bible

¹⁹ Tua ni pen Nipi ni nitak lam hi a, nungzuite zong a nitakin innsung khatah a kikhop laitakun Jerusalem khua-a Jew mi uliante a kihtakna uh hangin inn a kikalhnelh uh hi. Tua bang hinapi-in amaute lakah Jesuh hong ding a, “Nopna ngah ta un,” ci-in a hopih hi.

Tedim Bible Revision 2017

¹⁹ Tua ni pen Nipi ni nitak lam hi a, nungzuite zong a nitakin inn sung khat ah a kikhop laitakun Jerusalem khua-a Jew mi uliante a kihtakna uh hangin inn a kikalhnelh uh hi. Tua bang hi napi-in amaute lakah Jesu hong dinga, “Nopna ngah ta un,” ci-in a hopih hi.

Johan 20:19 Iomraidhean Croise

Late 122:8

Sanggamte le kikholhpihte ka khualna-in, “Jerusalem in nopna om ta hen,” ka ci ding hi.

Mattiu 10:13

Tua na hopihna uh innsunga mite in note hong tunsaknop leh na hopihna thupha uh amaute tungah kip ding a, ahi zongin hong tunsaknop kei uhleh na hopihna thupha uh na dokkik ding uh hi.

Mattiu 18:20

Bang hang hiam cih leh keima minin mi nih le thum bek nangawn a kikhopna peuhpeuhah kei ka om hi,” a ci hi.

Marka 16:14

(Tua khit ciangin a tawpna-ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu mite’ thugen um lo uh ahih manin a lungkhauhna uh le a up lohna hangun amaute a taii hi.

Johan 14:27

Note tungah keima neih bang lungnopna ka hong pia ding hi. Tua ka hong piak ding lungnopna pen leitung mite in a piaktheih a kip lo lungnopnate pawl hi lo hi. Tua ahih manin lau kei unla, zong lungkham kei un.

Johan 16:22

Note zong tua mah tawh na kibang ding uh hi. Note zong tu-in na dah uh hangin note tawh kimukik ding ihih manin na lung uh dam mahmah ding a, tua na lungdamna uh kuamah in hong beisak thei lo ding hi.

Johan 16:33

Keimah tawh na hong kipawlna uh hangin lungnopna na neihtheihna dingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Johan 20:21

Tua ciangin Jesuh in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

Johan 20:26

Tua zawh nipikal khat ciangin nungzuite zong innsung khatah kikhawm leuleu uh a, tua hunin Thomas zong a om hi. Amaute kong kikhaknelh uh hinapi-in Jesuh hong pai-in amaute lakah hong ding a, “Nopna ngah ta un,” ci-in a hopih khit ciangin

Johan 21:1

Tua khit ciangin a nungzuite omna Tiberias Tuili gei-ah Jesuh kilang leuleu a, a thu pianzia hih bang ahi hi:

Johan 21:14

Hih pen sihna panin Jesuh a kithawhkiksak khitzawh nungzuite tungah a kilah a thum veina hita hi.

Johan 7:13

Ahi zongin Jerusalem khua-a Jew mi uliante a kihtakna hangun kuamah in Jesuh thu a kilangin gen ngam lo uh hi.

Sawltak 1:3

Ama sih khitzawh ni sawmli sung amaute tungah tam veipi kilang a, amah a nungta taktak ahihna teltakin a kithei ahi hi. Amaute in amah mu uh a, Pasian’ Ukna thu amaute tungah a gen hi.

ROM (Romans) 15:33

Nopsakna a hong pia Pasian in note khempeuh hong ompih tahen. Amen.

1 KORIN MASA 15:5

Tua ciangin Peter kiangah kilang a, a zomah sawltak sawm le nihte kiangah kilang hi.

Efesa 2:14

Khrih mahmah in Gentail mite le Jew mite pawlkhatin hong bawl ahih manin eite tungah nopsakna a hong piapa ahi hi. Hih minam nihte khenin gal a piangsak dalna pen Khrih in ama pumpi tawh a satkham hi.

Efesa 6:23

Pa Pasian le Topa Jesuh Khrih in ulenaute khempeuh tungah nopsakna le itna, thu upna tawh hong piakhawm tahen.

Filippi 1:2

I Pa Pasian le Topa Jesuh Khrih in note tungah dikna le nopsakna thupha hong pia tahen.

2 THESALONIKA NIHNA 3:16

Eite tungah nopsakna a hong pia thei Topa in note tungah a tawntungin nopsakna hong pia hen la, amah in note khempeuh hong ompih tahen.

Hebru 7:2

Abraham in a na ngah khempeuh sung panin Melkhizedek tungah sawm-ah-khat a pia hi. Melkhizedek min a khiatna in, “Thuman Kumpi,” a cihna hi phot a, tua banah Jerusalem khua kumpi zong hi lai ahih manin ama min pen, “Kilemna Kumpi,” cihna zong ahi hi.

3 JOHAN THUMNA 1:14

Nang tawh kimu baih thei dingin kilamen ka hih manin, tuahun ciangin maitang kimu-in i kiho ding hi.

Mangmuhna 1:4

Johan in Asia gam sungah a om pawlpi sagihte tungah a khak lai ahi hi. A beisa hun, tuhun, le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,