Johan 20:17 - Tedim Bible

¹⁷ Tua ciangin Jesuh in, “Kei hong lenlen nawn kei in. Ka Pa kiangah a paito nai lo ka hi hi. Ka sanggamte kiangah va pai inla, ‘Keima Pa le note’ Pa, keima Pasian le note’ Pasian’ kiangah ka pai ding hi,’ ci hi, ci-in va gensak zaw in,” a ci hi.

Tedim Bible Revision 2017

¹⁷ Tua ciangin Jesu in, “Kei hong lenlen nawn kei in. Ka Pa kiangah a pai to nai lo ka hi hi. Ka sanggamte kiangah va pai inla, ‘Keima Pa le noteʼ Pa, keima Pasian le noteʼ Pasianʼ kiangah ka pai ding hi,’ ci hi, ci-in va gensak zaw in,” a ci hi.

Johan 20:17 Iomraidhean Croise

2 KUMPI NIHNATE 4:29

Amah in Gehazi kiangah, “Na kawng gak inla na khutah ka ciangkhut tawi-in pai in. Mi khatpeuh in nang hong hopih leh zong dawng kei in. Tua ciangin naupang’ mai tungah ka ciangkhut va nga in,” a ci hi.

2 KUMPI NIHNATE 7:9

Tua ciangin amaute khatlekhat in, “A manin i gamta kei hi. Tuni pen thuthak a hoih i theih ni ahi hi. Eite pau loin zingsang khuavak dong ngak lehang gimna i thuak ding hi. Tua ahih ciangin tu-in hong pai un. Eite pai-in kumpipa innkuante kiangah va gen ni,” kici uh hi.

Late 22:22

Ka u ka naute tungah nangma min ka gen ding a, mihon kikhopna laizangah nangmah kong phat ding hi.

Late 43:4

Tua ciangin na biakna tau-ah ahi a, ka lung a hong damsak Pasian kiangah ahi zongin ka pai ding a, laiza khausai lasakna tawh nang ka hong phat ding hi, aw Pasian, ka Pasian aw.

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mihonte le mi lehdote’ tung nangawn panin piakkhong nate na ngah hi.

Late 89:26

Amah in kei kiangah, ‘Nang pen keima Pa le ka Pasian na hi a, kei a hong honkhia pa le a hong hupa na hi hi,’ hong ci ding hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong thakhauhsakin ka hong huh ding a, nang hong huhin ka hong honkhia ding hi.

Jeremiah 31:33

Ahih hangin Topa in kong cihin-ah, tua hun hong tun ciangin Israel minamte tawh hih bangin thuciamna ka bawl ding hi: Amaute’ sungah ka thukham ka koih ding a, amaute’ lungtang tungah ka gelh ding hi. Kei pen amaute’ Pasian ka hi ding a, amaute pen keima mite ahi ding uh hi.

Jeremiah 32:38

Amaute keima mi hi ding uh a, kei pen amaute’ Pasian ka hi ding hi.

Ezekiel 36:28

Tua ciangin na pu na pate uh tungah ka piaksa gamah na teng ding uh a, note pen keima mi hi-in, kei pen note’ Pasian ka hi ding hi.

Ezekiel 37:27

Amaute tawh tengkhawmin, amaute’ Pasian ka hi ding a, amaute pen keima mite hi ding uh hi.

Mattiu 12:50

Vantungah a om ka Pa’ deihna bangin a gamta mi peuhmah ka sanggam pasal, ka sanggam numei, ka nu ahi uh hi,” ci-in a dawng hi.

Mattiu 25:40

Tua ciangin Kumpipa in amaute kiangah, ‘Note kiangah kong genin-ah: Hih ka sanggamte a neupen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Mattiu 28:7

Tu-in manlang takin va ciah unla, a nungzuite kiangah, ‘Sihna panin Jesuh kithosak khin a, Galilee gam note mai-ah a pai ding hi. Tua lai-ah amah na mu ding uh hi,’ ci-in va gen un. Hih ka hong gen thute hoihtakin ciamteh un,” a ci hi.

Marka 12:26

Thawhkikna thu tawh kisai-in ci lehang, Moses’ laigelhna sung sawlpang kuang thu a genna munah Pasian in Moses kiangah, ‘Kei pen Abraham’ Pasian, Isaac’ Pasian, Jakob’ Pasian ka hi hi,’ a cihna mun sim ngei lo na hi uh hiam?

Marka 16:19

(Tua bangin Topa Jesuh in amaute tungah thu a gen khit ciangin vantungah kilato-in Pasian’ taklamah a tu hi.

Luka 10:4

Sum ahi a, ip ahi a, khedap a val ahi zongin keng kei un. Lamkalah mi tawh kimawk hoho kei un.

Johan 13:1

Tu-in Paisan Pawi hun ding ni khat bek in sam a, Jesuh in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.

Johan 14:2

Note’ om nading mun a bawlkhol dingin a pai ding ka hi hi. Ka Pa’ inn sungah om nading mun tampi om hi. A om lo ding hileh hih bangin thu ka hong gen kei ding hi.

Johan 14:28

‘Ka va paikhia ding a, ahi zongin note kiangah ka hong paikik ding hi,’ ka cihna thu na za khin uh hi. Kei sangin a lianzaw Pa Pasian kiangah a va pai ding ka hih manin kei na hong it nak-uhleh ama kiangah ka paina hangin na nuamzaw ding uh hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Johan 17:11

Tu-in nangma kiangah kei a hong paita ding ka hih manin leitungah ka om nawn kei ding a, ahi zongin amaute a omlai ding uh ahi hi. Tua ahih manin a Siangtho ka Pa aw, nang le kei pumkhat ihih mah bangin amaute zong pumkhat ahih nadingun na vangliatna tawh hoihtakin na kem in.

Johan 17:25

A Thuman ka Pa aw, leitung mite in nang hong thei lo uh hi. Ahi zongin keimah in nang ka hong thei a, kei na hong sawlna thu hih mite in zong a thei uh hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Johan 20:27

Thomas kiangah, “Na khutme tawh hong lawng inla ka khutte en in. Na khut zan inla ka pangpi zong lawng in. Umlah nawn kei inla, um taktak in,” a ci hi.

Johan 7:33

Jesuh in tua mite kiangah, “Note lakah tawlkhat ka om lai ding a, tua ciangin kei hong sawl pa kiangah ka pai ding hi.

ROM (Romans) 8:29

Pasian’ Tapa mi khempeuh lakah a upa pen a suahtheih nadingin Pasian in a teelkholhsa mite, a Tapa tawh a kibang dingin a sehsa ahi hi.

2 KORIN NIHNA 6:18

Kei pen note’ Pa hong hi-in, note, keima tate na hi ding uh hi,” na ci hi.

Galati 3:26

Khrih Jesuh tawh na kipawl manun note khempeuh Pasian’ tate na suahtheihna uh pen na upna hang uh ahi hi.

Hebru 11:16

Ahi zongin amaute’ lunggulh pen leitung sangin a hoihzaw vantung gam ahi hi. Pasian in amaute a dingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

Hebru 8:10

Ahi zongin tu-in Israel mite tawh ka bawl ding thuciamna hih bang ahi hi. Amaute sungah ka thukham ka guang ding a, amaute lungtang tungah gelhin, amaute’ Pasian ka hi ding a, amaute pen keima mi ahi ding uh hi.

1 PETER MASA 1:3

I Topa Jesuh Khrih’ Pa Pasian tungah lungdam ni. Ama hong hehpih mahmahna hangin sihna panin Jesuh Khrih a thawhkik sakna tawh eite tungah nuntakna thak a hong pia hi. Tua ahih manin i lametna kiam ngei lo a,

1 JOHAN MASA 3:2

Ka lawm itte aw, eite’ pianzia ding taktak a telin hong kilat nai loh hangin tu-in Pasian’ tate ihi hi. Ahi zongin Khrih hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

Mangmuhna 21:3

Tokhom panin nakpitakin awging khat ka za a, “Tu-in Pasian omna inn pen mite tawh omkhawm ta hi. Pasian in amaute ompih ding a, amaute pen ama mite hi ding uh hi. Pasian mahmah amaute tawh omkhawm ding a, amah pen amaute’ Pasian hi ding hi.

Mangmuhna 21:7

A gualzo mi khempeuh in kei tung panin a ngah ding thu in: Kei pen amaute’ Pasian ka hi ding a, amaute keima ta ahi ding uh hi.