Johan 20:15 - Tedim Bible

¹⁵ Jesuh in, “Numei aw, bang hangin kap na hi hiam? Kua zong na hi hiam?” ci-in a dot ciangin Mary in huan cing pa sa ahih manin, “Sia aw, amah na puakkhiat leh koi lai-ah koih na hi hiam hong gen in. A luang ka la nuam hi,” a ci hi.

Tedim Bible Revision 2017

¹⁵ Jesu in, “Numei aw, bang hangin kap na hi hiam? Kua zong na hi hiam?” ci-in a dot ciangin Mary in huan cing pa sa ahih manin, “Sia aw, amah na puakkhiat leh koi lai ah koih na hi hiam hong gen in. A luang ka la nuam hi,” a ci hi.

Johan 20:15 Iomraidhean Croise

Solomon la 3:2

Tho-in khuasung tengah ka vak a, kongzing kawm tengah ka pai kawikawi a, ka ngaihno ka zong a, ka zonzon hangin ka mu zo kei hi.

Solomon la 6:1

Nungak lak a hoihpen nu aw, na ngaihno, koi-ah pai hiam? Na ngaihno koi lam pai hiam? Amah hong zonpih nung.

Mattiu 12:34

Gul bangin ngian a zang note aw, migilo na hih uh ciangin bangci-in thuhoih genthei mah ding na hi uh hiam? Bang hang hiam cih leh lungsim sunga thu om pen kam in a genkhia hi bek hi.

Mattiu 28:5

Ahi zongin tua vantungmi in numeite kiangah, “Lau kei un. Singlamteh tungah a kithat Jesuh a zong na hihlam uh ka thei hi.

Marka 16:6

Tua tangvalpa in, “Lamdangsa kei un. Singlamteh tungah a kithat Nazareth khuami Jesuh na zong uh hi. Amah kithokiksak khin a, hih lai-ah om nawn lo hi. Amah a kisialna mun hong en un.

Luka 2:44

Amaute’ honlak mahah a omomin ngaihsun uh ahih manin ni khat lam paikhin uh a, tua ciangin a lawmte le a tanaute lak khawng a zong pan uh hi.

Luka 24:5

Numeite lau mahmah uh ahih manin lei lam nga-in kuncip uh hi. Tua mi nihte in, “Bang hangin misite lakah mihing zong na hi uh hiam?

Johan 1:38

Jesuh kihei a, amau tegel in a zuihlam a muh ciangin, “Bang zong na hi uh hiam?” ci-in a dong hi. Amaute in, “Sia aw, koi lai-ah om na hi hiam?” ci-in a dawng uh hi.

Johan 18:4

Jesuh in zong ama tungah a piang ding thu khempeuh theikhin ahih manin hong paikhia-in amaute kiangah, “Kua zong na hi uh hiam?” ci-in a dong hi.

Johan 18:7

Jesuh in, “Kua zong na hi uh hiam?” ci-in a dotkik ciangin amaute in, “Nazareth khuami Jesuh a zong ka hi uh hi,” a ci leuleu uh hi.

Johan 20:13

Tua vantung mite in Mary kiangah, “Bang hangin kap na hi hiam?” ci-in a dot uh ciangin amah in, “Amaute in ka Topa paikhiatpih uh a, koi lai-ah koih ahi uh hiam, cih ka thei kei hi,” ci-in a dawng hi.

1 SAMUEL MASA 1:16

Lungkhamna le gimna tawh a pau ka hih manin numei ginalo bangin na nasemnu hong ngaihsun kei in, a ci hi.