Johan 20:12 - Tedim Bible

¹² Jesuh’ luang a kisialna a lu lamah khat, a khe lamah khat, puanpak silhin a tu vantungmi nih a mu hi.

Tedim Bible Revision 2017

¹² Jesuʼ luang a kisialna a lu lamah khat, a khe lamah khat, puan pak silhin a tu vantungmi nih a mu hi.

Johan 20:12 Iomraidhean Croise

2 KHANG TANGTHU NIHNATE 5:12

Tua ciangin Levi mi lasate Asaf, Heman, le Jeduthun, amau’ tapate le a behte, saihadial puan tawh kizemin, daltuahte, harp lasaknate, le laiza lasaknate tawi-in peengkul tum siampite za le sawmnih tawh biakna tau nisuahna lamah ding khawm uh hi.

Daniel 7:9

Ka et laitakin kumpi tokhomte a hong kikoih hi. A nungta tawntung mipa tua tokhomte khat tungah a tu hi. A puante vuk bangin ngo a, a samte tuumul hoih tawh a kibang hi. A tokhom pen meikuang leengpei tungah kinga-in mei kuang zuazua a,

Mattiu 17:2

Tua lai mun panin amaute’ muhtangpi mahin Jesuh a mel kikheel a, a maitang ni bangin taangin, a puante khuavak bangin a ngo hi.

Sawltak 1:10

Tua bangin Jesuh a kilaktoh ciangin amaute in vantung lam enenin a om laitakun amaute kiangah puanpak a silh mi nih hong dingvat a,

Mangmuhna 3:4

Ahi zongin Sardis khuasunga om note lakah a puan a ninsak nai lo tawmkhat na om uh hi. Tua bang mite kilawm uh ahih manin kei tawh puanpak silhin ka tonkhawm ding uh hi.

Mangmuhna 7:14

“Ka thei kei hi, topa aw. Nangmah in na theizaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawpsiangin Tuuno sisan tawh a paaksak uh ahi hi.