Johan 2:4 - Tedim Bible

⁴ Tua ciangin Jesuh in, “Nu aw, bang hangin na lunghihmawhna hong ko zenzen na hi hiam? Keima hun tung nai lo hi,” ci-in a dawng hi.

Tedim Bible Revision 2017

⁴ Tua ciangin Jesu in, “Nu aw, bang hangin na lunghihmawhna hong ko zenzen na hi hiam? Keima hun tung nai lo hi,” ci-in a dawng hi.

Johan 2:4 Iomraidhean Croise

2 SAMUEL NIHNA 16:10

Ahih hangin kumpipa in, “No Zeruiah tapate aw, note tawh bang kisai ahi hiam? Topa in ama kiangah, ‘David samsia in,’ a cihna hangin hong samsia ahihleh, ‘Bang hangin tuaci hih na hi hiam?’ kua in ci ding ahi hiam?” a ci hi.

2 SAMUEL NIHNA 19:22

Ahih hangin David in, “Note pen tuni-in kei’ lang bangin na om nadingun no Zeruiah’ tapate tawh kei bang kisai ihi hiam? Tuni-in Israel sungah mi khatpeuh kithat ding ahi hiam? Bang hang hiam cih leh tuni-in Israel-te’ tungah kumpi ka hihna thei hi lo ka hi hiam?” a ci hi.

1 KUMPI MASATE 17:18

Tua ciangin amah in Elijah kiangah, “Pasian’ mipa aw, kei’ langkhatah bang thu nei na hi hiam? Ka khialhna a pholak ding ka tapa’ sihna a piangsak dingin kei kiangah nong pai hi,” a ci hi.

Thuhilh-sia 3:1

Hih leitungah a piang thu khempeuh, Pasian in ama pian’ hun dinga a sehsa hunin a piansak ahi hi.

Mattiu 15:28

Tua ciangin Jesuh in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dampah hi.

Mattiu 8:29

Amaute nakpitakin hong kiko uh a, “Pasian’ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Luka 2:49

Jesuh in a nu le a pa kiangah, “Bang hangin kei hong zong na hi uh hiam? Ka Pa’ inn sungah ka om ding lamtak thei lo na hi uh hiam?” ci-in a dawng hi.

Johan 12:23

Tua ciangin Jesuh in, “Mihing Tapa in Pasian’ pianzia a ngah ding hun hong tungta hi.

Johan 13:1

Tu-in Paisan Pawi hun ding ni khat bek in sam a, Jesuh in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 2:3

Leenggahzu a bei ciangin Jesuh’ nu in, “Leenggahzu om nawn lo hi,” ci-in Jesuh kiangah a gen hi.

Johan 20:13

Tua vantung mite in Mary kiangah, “Bang hangin kap na hi hiam?” ci-in a dot uh ciangin amah in, “Amaute in ka Topa paikhiatpih uh a, koi lai-ah koih ahi uh hiam, cih ka thei kei hi,” ci-in a dawng hi.

Johan 20:15

Jesuh in, “Numei aw, bang hangin kap na hi hiam? Kua zong na hi hiam?” ci-in a dot ciangin Mary in huan cing pa sa ahih manin, “Sia aw, amah na puakkhiat leh koi lai-ah koih na hi hiam hong gen in. A luang ka la nuam hi,” a ci hi.

Johan 7:30

Tua ciangin amaute in Jesuh mat ding hanciam uh hi; ahi zongin ama hun tung nai lo ahih manin kuamah in va su lo hi.

Johan 7:6

Ahi zongin Jesuh in, “Kei a dingin pai ding a hunhoih hi nai lo hi; ahi zongin note a dingin a hunhoih hi tawntung hi.

Johan 7:8

Tua ahih manin pawisiim dingin note va pai un. Kei a dingin a hunhoih hi nai lo ahih manin kei ka hong pai kei ding hi,” ci-in dawng a,

Johan 8:20

Jesuh in hih thute pen sumpi khiatna kuang a kikoihna biakinn dei sungah a gen hi a, ahi zongin ama hun tung nai lo ahih manin kuamah in amah man lo uh hi.

2 KORIN NIHNA 5:16

Tua ahih manin kote in mihingte’ ngeina zia tawh kuamah ka en nawn kei uh hi. Khrih mahmah zong mihing lungsim ngaihsutna zia tawh ka et ngei uh hangin tu-in tua bangin ka ngaihsun nawn kei uh hi.

Thu-hilhkikna 33:9

A nu le a pa sangin nangmah hong thupi ngaihsutzaw uh a, ‘Amaute ka thupi sim kei hi,’ a ci pa ahi hi. Amah in a sanggamte paaikhia-in, a tate don lo hi. Bang hang hiam cih leh Levi minamte in na thu hong mangin, na thuciamna zui uh hi.