Johan 2:24 - Tedim Bible

²⁴ Ahi zongin Jesuh in mi khempeuh limtakin theitel ahih manin amaute muang lo hi.

Tedim Bible Revision 2017

²⁴ Ahi zongin Jesu in mi khempeuh limtakin thei tel ahih manin amaute muang lo hi.

Johan 2:24 Iomraidhean Croise

1 KUMPI MASATE 8:39

na tenna vantung panin za-in maisak in. Tua ciangin amau’ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihing khempeuh lungsim na thei hi).

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paaikhia paisuak ding hi.

1 KHANG TANGTHU MASATE 29:17

Nangmah in lungsim entelin thumanna-ah na lungkimna ka thei hi, ka Pasian aw. Lungsim thumanna le citna tawh hih nate khempeuh kong pia khin a, tu-in nang tungah citna le lungdamna tawh a hong pia, hih lai-ah a om na mite ka muzo hi.

Jeremiah 17:9

“Na khempeuh lakah lungsim a khem hatpen hi a, a kisia pha mahmah ahi hi. Kua in lungsim theizo ding ahi hiam?

Mattiu 9:4

Ahi zongin Jesuh in amaute’ ngaihsutna thei ahih manin, “Bang hangin a sialamin ngaihsun na hi uh hiam?

Marka 2:8

Jesuh in a lungsim sung uha amau ngaihsutna theipah ahih manin amaute kiangah, “Bang hangin tua bangin ngaihsun na hi uh hiam?

Johan 1:42

Tua ciangin Jesuh kiangah a u Simon a paipih hi. Jesuh in amah enin, “Nang pen Johan’ tapa Simon na hi hi. Tu a kipanin Sifas hong kici ding hi,” a ci hi. Sifas pen Peter tawh a kibang hi a, suangtum a cihna ahi hi.

Johan 16:30

Tu-in na khempeuh na theihkhitna thu ka phawk uh a, ka theihnop uh thute kote in ka hong dot ding uh zong kisam nawn lo ahih manin Pa kiang panin a hong pai na hihna thu ka hong um uh hi,” a ci uh hi.

Johan 21:17

Jesuh in a thumveina dong leuleu a, “Johan’ tapa Simon aw, kei na hong it hiam?” a cih ciangin, “Kei na hong it hiam?” ci-in thumvei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesuh in, “Ka tuute na kem in.

Johan 4:16

Tua ciangin Jesuh in, “Va ciahin na pasal va sam inla, hih lai-ah hong paikik un,” a ci hi.

Johan 5:42

note’ lungsim sungah Pasian itna na neih hetlohna uh ka theihna hang hizaw hi.

Johan 6:15

Mihonte in thatanghat thu tawh kumpi-in amah a koih sawmna thu Jesuh in a theih ciangin mualtung lamah amah guak a kihemkhia hi.

Johan 6:64

Tua hinapi-in note pawlkhat in na um kei uh hi,” a ci hi. (Jesuh in a kipat cil pek a kipanin kuateng in ama thu um ding a, kuateng in amah lehpei ding cih thu thei khinzo hi.)

Sawltak 1:24

Tua ciangin amaute in thu ngen uh a, “Mihing khempeuh’ lungsim sung thu a thei Topa aw, ama om nadingin a kilawm munah a om dingin sawltak nasep panin a hong paisan Judas tang dingin, hih mi nih sung panin na teel penpen hong hilh in,” a ci uh hi.

Sawltak 15:8

Mihingte’ lungsim sungthu a thei Pasian in Gentail mite in zong thu a uptheih ding mah hi, cih a lahna-in eite tungah a hong piak mah bangin amaute tungah zong Kha Siangtho a pia hi.

Thu-hilhkikna 31:21

Siatna le haksatnate amaute tungah a tun ciangin hih la, teci-in amaute’ langkhatah pang ding hi (bang hang hiam cih leh a suanlekhakte un mangngilh lo ding uh hi); bang hang hiam cih leh piak dingin ka kiciam leitangah amaute ka paipih ma-in, amau’ vaihawm kholh a ngimnate uh ka thei hi,” a ci hi.

Hebru 4:13

Pasian’ mai-ah seelcip theih ding bangmah om lo hi. Eite khempeuh i dinna ding pa’ mai-ah a kipiangsak na khempeuh a kiliah a ki-im thei om loin kimu sinsen hi.

Mangmuhna 2:23

Tua numei’ thu a zui mi khempeuh ka that ding hi. Tua hileh, mihingte’ ngaihsutna le lungsim a kantel pa ka hihna thu pawlpi khempeuh in thei ding uh hi. Note’ gamtatna ciat tawh kizui-in ka hong thukkik ding hi.

1 SAMUEL MASA 16:7

Ahih hangin Topa in Samuel kiangah, “A tungtham hitaleh a tun sanna hitaleh en kei in. Bang hang hiam cih leh amah ka nolh hi. Topa in mihingte’ muh bangin mu lo hi. Mihingte in a pualam a kilangte en a, ahih hangin Topa in a lungsim en hi,” a ci hi.