Johan 2:16 - Tedim Bible

¹⁶ Tua ciangin kawl vakhu zuakte kiangah, “Na kawl vakhute uh hih lai panin paikhiatpih un. Ka Pa’ inn pen sumzuakna inn phualpi-in nei kei un,” a ci hi.

Tedim Bible Revision 2017

¹⁶ Tua ciangin kawl vakhu zuakte kiangah, “Na kawl vakhute uh hih lai panin paikhiatpih un. Ka Paʼ inn pen sumzuakna inn phualpi-in nei kei un,” a ci hi.

Johan 2:16 Iomraidhean Croise

Jeremiah 7:11

Ka min tawh a kilo hih biakinn no’ ngaihsutna-ah misuam mi buluhte’ bukna mun bangin ngaihsun na hi uh hiam? Keimah in note’ hih khempeuh kong mu khin hi, Topa in kong ci hi.

Mattiu 21:12

Tua ciangin Pasian biakna innpi huang sungah Jesuh lut a, tua sungah van zuak van lei-a a om mi khempeuh a hawlkhia hi. Sumkhek nasemin a om mite’ sabuai le vakhu zuakte’ tutnate a lumletsak gawp hi.

Mattiu 21:13

Amaute kiangah, “Pasian in Lai Siangtho sungah, ‘Ka inn pen thungetna inn kici ding hi,’ ci napi-in, note in guktakna phualpi na suaksak uh hi,” a ci hi.

Mattiu 22:5

Ahi zongin a khohsa mite in na thusim lo uh a, pawlkhat in lo na kuansanin, pawlkhat in a sumbukah na paisanin,

Marka 11:17

Tua ciangin mite kiangah thu hilh a, “Ka inn pen mi khempeuh a dingin thungetna inn kici ding hi,” ci-in Pasian in a genna thu Lai Siangtho sungah kigelh hi lo ahi hiam? Ahi zongin note in guta buluhte’ bukna mun na suaksak uh hi, ci-in thu a hilh hi.

Luka 2:49

Jesuh in a nu le a pa kiangah, “Bang hangin kei hong zong na hi uh hiam? Ka Pa’ inn sungah ka om ding lamtak thei lo na hi uh hiam?” ci-in a dawng hi.

Johan 10:29

Ka khut sungah a hong pia ka Pa sangin a lianzaw kuamah om lo ahih manin ka Pa’ khutsung panin kuamah in lakhia zo lo ding hi.

Johan 2:15

Amah in zong khauteep bawlin biakinn huangsung panin tuu le bawng a kipan ganhing khempeuh hawlkhia a, sumkhekte’ sabuai zong sawnpaih sakin a sum khempeuh a thehthang sak hi.

Johan 20:17

Tua ciangin Jesuh in, “Kei hong lenlen nawn kei in. Ka Pa kiangah a paito nai lo ka hi hi. Ka sanggamte kiangah va pai inla, ‘Keima Pa le note’ Pa, keima Pasian le note’ Pasian’ kiangah ka pai ding hi,’ ci hi, ci-in va gensak zaw in,” a ci hi.

Johan 5:17

Ahi zongin Jesuh in amaute kiangah, “Ka Pa in tuni dongin na sem tawntung ahih manin kei zong ka sep ding mah ahi hi,” a ci hi.

Johan 8:49

Jesuh in, “Kei dawivei ka hi kei hi. Keimah in ka Pa ka zahtakbawl a, ahi zongin note in kei nong simmawhbawl uh hi.

1 TIMOTI MASA 6:5

thuman thutak zui loin, a lungsim paizia uh a man nawn lo, biakna pen hauhtheih nading lampi bekin a ngaihsun mite in a tawntungin kitot kiselna a piangsak uh ahi hi.

2 PETER NIHNA 2:3

Hih sia man lote in a huaiham manun note kiang panin sum a ngahtheih nadingun phuahtawm thu hong gen ding uh hi. Ahi zongin sawtpek a kipanin amaute’ thu a Khen ding pa a kigingsa-in om niloh a, amaute a Susia ding pa in en gige hi.