Johan 19:4 - Tedim Bible

⁴ Pilat zong khatvei hong pusuak kikin mihonte kiangah, “Ama khialhna bangmah a mu lo ka hihna thu na theih nadingun note kiangah Jesuh ka hong paikhia sak hi,” a ci hi.

Tedim Bible Revision 2017

⁴ Pilat zong khatvei hong pusuakkikin mihonte kiangah, “Ama khialhna bangmah a mu lo ka hihna thu na theih nadingun note kiangah Jesu ka hong pai khiasak hi,” a ci hi.

Johan 19:4 Iomraidhean Croise

Mattiu 27:19

Tua banah, thukhen zumah thusitin a om hunsung mahun, a zi in thu zasak a, “Tuzan ka mang sungin ama hangin nakpitakin gimna thuak ka hih manin, mawhna nei lo tua mipa bangmah cihkha kei in,” a ci hi.

Mattiu 27:24

A gengen hangin bangmah phattuamna om loin buaina piangzaw kha ding, ci-in Pilat in a theih ciangin, tui la-in mihonpi’ muhin a khut sil a, “Hih mipa a sihna thu-ah kei ka kihel kei hi. Note in thei ta un,” a ci hi.

Mattiu 27:4

“Mawhna a nei lo mipa a si dingin lehhek kha ka hih manin ka mawh hi,” a va ci hi. Ahi zongin amaute in, “Kote tawh bang kisai nawn ding ahi hiam? Nangma tavuan ahi hi,” a na cihsan uh hi.

Mattiu 27:54

Jesuh enin a om galkap bupa le galkapte in zinlinna le a thupiangte a muh uh ciangin lamdangsa mahmah uh a, “Hih pa, Pasian’ Tapa taktak mah ahi hi,” a ci uh hi.

Luka 23:4

Tua ciangin Pilat in siampi liante le mihonte kiangah, “Hih mipa mawhsak nading thu bangmah ka mu kei hi,” a ci hi.

Luka 23:41

Ei tegel pen i gamtatna tawh kizui-in thu hong kikhen ahih manin ahi ding mah ahi hi. Ahi zongin amah in khialhna bangmah nei lo hi,” a cih khit ciangin

Luka 23:47

Galkap mangpa in hih thupiang a muh ciangin Pasian phat a, “Hih pa, mihoih taktak khat ahi hi,” a ci hi.

Johan 18:33

Tua ciangin kumpi huang sungah Pilat ciahkik a, Jesuh samin, “Nang Jew mite’ kumpi na hi hiam?” ci-in a dot leh

Johan 18:38

Pilat in, “Thuman na cih bang ahi hiam?” ci-in a dong hi. Tua ciangin Jew mihonte kiangah Pilat va paikhia kikin amaute kiangah, “Ama khialhna bangmah ka mu kei hi.

Johan 19:6

Siampi liante le biakinncing palikte in a muh uh ciangin “Singlamteh tungah that in, singlamteh tungah that in!” ci-in a kiko uh hi. Pilat in amaute kiangah, “Na ut uhleh paipih unla, singlamteh tungah that un! Ke’n ama khialhna ka mu kei hi,” a cih ciangin

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesuh i neih a hoih mahmah ahi hi.

1 PETER MASA 1:19

tuuno bangin paubaanna a om lo, a manpha mahmah Khrih, biakna-in a hong kipiakna tawh Pasian in note a hong suaktasak ahi hi.

1 PETER MASA 2:22

Khialhna bangmah gamta lo a, zuau a gen lam zong kiza ngei lo hi.

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

1 JOHAN MASA 3:5

Khrih pen mawhna a nei het lo hi a, mite’ mawhna a lakhia dingin Khrih hong kilang ahihna thu na thei uh hi.