Johan 19:36 - Tedim Bible

³⁶ Lai Siangtho sungah, “Ama guhte khat zong kitan lo ding hi,” ci-in a genna thu a tuntheih nadingin hih bangin a piang ahi hi.

Tedim Bible Revision 2017

³⁶ Lai Siangtho sungah, “Ama guhte khat zong kitan lo ding hi,” ci-in a genna thu a tun theih nadingin hih bangin a piang ahi hi.

Johan 19:36 Iomraidhean Croise

2 KUMPI NIHNATE 15:12

(Hih pen Topa’ thuciamna, Jehu tungah a piak, “Na suante khang lina dongin Israel kumpi tokhom tungah tu ding hi,” a cih ahi hi. Tua ahih ciangin tua bangin a piang ahi hi.)

Late 22:14

Tui buakkhiat bangin kei hong kibuakhia a, ka guh ka taang khempeuh kilawi mangkhin hi. Ka lungtang khuainun bang a, ka awm sungah tuisuak hi.

Late 34:20

Amah in thuman mipa kem a, a guh khat zong kitan lo hi.

Late 35:10

Ka lungsim khempeuh tawh, “Topa aw, ama a dingin a hatluate kiang panin a thahat lo mi a honkhia, a bawlsiate’ kiang panin mizawngte a honkhia, nang tawh a kibang kua om ahi hiam?” ka ci ding hi.

Paikhiatna 12:46

Inn sungah kine ding a, inn pua-ah a sa na paikhiatpih kei ding uh hi. A guh na kuaitan kei ding uh hi.

Gamlak-vakna 9:12

Amaute in a zingsang dong bangmah siit lo ding uh a, a guh khat zong sutan lo ding uh hi. Paisan Pawi ngeinate tawh kizui-in amaute in a kham ding uh hi.

Mattiu 1:22

Topa in kamsangpa tungtawnin a gensa thu a tun theih nadingin hih thute a piang ahi hi. Tua a genna-ah,

Johan 13:18

“Hih bangin ka hong genna in note khempeuh hong huam kim lo hi. Ka teelsa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Johan 19:24

Ahi zongin amaute in, “Hih puan balkek kei ni. A ngah ding i theih nadingin ai san ni,” a kici uh hi. Lai Siangtho sungah, “Amaute in ka puante hawm uh a, ka puantualpi ngah nadingin ai a san uh hi,” ci-in a kigelhna a tun nadingin hih bangin galkapte a gamta ahi uh hi.

Johan 19:28

Tua hun ciangin Jesuh in na khempeuh kicingta hi, ci-in thei ahih manin Lai Siangtho sungah a kigelh thu a tuntheih nadingin, “Ka dangtak hi,” a ci hi.