Johan 19:30 - Tedim Bible

³⁰ Jesuh in tua leenggahzu-hau ciamin, “Man khinta hi,” a cih khit ciangin a lu puksukin a si ta hi.

Tedim Bible Revision 2017

³⁰ Jesu in tua leenggah-zuhau ciamin, “Man khinta hi,” a cih khit ciangin a lu puksukin a si ta hi.

Johan 19:30 Iomraidhean Croise

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi,” a ci hi.

Late 22:15

Ka thahatna, leibeel phel bangin keu a, ka leii zong toncip ta hi. Nangmah in leivui sungah kei na hong koih hi.

Isaiah 53:10

Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu ding a, ama khan a sau ding hi. Topa’ deihna ama khut sungah pung ding hi.

Isaiah 53:12

Tua ahih ciangin amah pen miliante tawh nate ka hawmsak ding a, amah in mihatte tawh nate a hawm ding hi. Bang hang hiam cih leh amah in sihna dongin a nuntakna piakhia a, khialhna a nei mite tawh a kisim khawm hi. Ahih hangin amah in mi tampi’ mawhna pua a, khialhna a neite a dingin a thumsak hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawmsagih mun sagih sung a kisehzo hi. Tua ciangin mawhna kimaisak ding a, a tawntung thutang thu a hong tung ding hi. Genkholhna le maangmuhna thu a mantakin hong tangtung ding a, a Siangtho Pen Mun biakinnpi kisiansuah ding hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkapmang lianpa in khuapi le biakinnpi a susia ding hi. A beina pen tuiciin tun bang hi ding a, a tawp dongin galdona le kisiatna vive ahi dingin Pasian in thu a khenzo hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang ding a, ka tuute gim ka pia ding hi.

Mattiu 20:28

Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.

Mattiu 27:50

Tua ciangin Jesuh nakpitakin kiko kikin a si ta hi.

Mattiu 3:15

Ahi zongin Jesuh in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Marka 15:37

Tua ciangin nakpitakin Jesuh kiko-in a laitat hi.

Luka 22:37

Bang hangin hih bangin hong gen ka hi hiam cih leh, Lai Siangtho in, ‘Mawhneite lakah amah kihelsak hi,’ ci-in keima thu a genna pen hong tung ding hi,” a ci hi.

Luka 23:46

Tua ciangin nakpitakin Jesuh kiko a, “Pa aw, nangma khut sungah keimah kong ki-ap hi,” a cih khit ciangin a si ta hi.

Johan 10:11

“Kei, tuucing hoih ka hi hi. Tuucing hoih in a tuute sihpih ngam hi.

Johan 10:18

Kuamah in ka nuntakna hong laksak thei lo a, keima utthu tawh ka piak hizaw hi. Ka nuntakna piakkhiat theih nading le lakkik theih nading thu ka Pa in kei tungah a hong piak ahi hi,” a ci hi.

Johan 17:4

Nangmah in sep dingin na hong piak nasep khempeuh sem khinta ka hih manin leitungah na min a thangsak ka hi hi.

Johan 19:28

Tua hun ciangin Jesuh in na khempeuh kicingta hi, ci-in thei ahih manin Lai Siangtho sungah a kigelh thu a tuntheih nadingin, “Ka dangtak hi,” a ci hi.

Johan 4:34

Tua ciangin Jesuh in, “Keimah hong sawl pa’ deihna bangin na semin, sep dingin hong piak nasep zawhna pen ka nuntakna an ahi hi.

ROM (Romans) 10:4

Bang hang hiam cih leh upna a nei mi khempeuh Pasian tawh a kipawl theih nadingin Khrih in Thukham a beisak hi.

ROM (Romans) 3:25

Ama hong sihna hangin mawhna a kimaisak theih nadingin Pasian in Jesuh hong pia a, amah a umte in mawhmaisakna a ngah uh hi. Amah tawh i kipawl theih nading zia hong lahna-in hih bangin Pasian a hong gamta ahi hi. Pasian a lungduaina hangin a beisa hunah i mawhnate hong en khong phot hi.

1 KORIN MASA 5:7

Note na siangtho theih nadingun mawhna silngo luite na paikhia un. Tua hileh silngo sawh loh annel lom thak na hi ding uh a, zong ahi takpi mah na hi uh hi. Bang hang hiam ci leh i Paisan Pawi hun hong tungta a, eite’ Paisan Tuuno ahi Khrih kigo khinzo ta hi.

Filippi 2:8

Amah hong kiniamkhiat tawm a, singlamteh tung nangawnah sih ding a ut hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.

Hebru 9:22

Thukham kizatna sungah na khempeuh sisan tawh kisiansuah a, sisan a kiluansak khit ciang bekin mawhna kimaisak thei pan hi.