Johan 19:17 - Tedim Bible

¹⁷ Tua ahih manin amaute in Jesuh la-in paikhiatpih uh a, ama kikhai nading singlamteh mah puasakin Hebru pau-in Golgotha a kici Lutang Guh mualah a paipih uh hi.

Tedim Bible Revision 2017

¹⁷ Tua ahih manin amaute in Jesu la-in paikhiatpih uh a, ama kikhai nading singlamteh mah puasakin Hebru pau-in Golgotha a kici Lutang Guh mualah a paipih uh hi.

Johan 19:17 Iomraidhean Croise

Piancilna 22:6

Abraham in meihal biak nading sing la-in a tapa Isaac’ tungah suan a, amah in a khut sungah mei le temta a tawi hi. Tua bangin amau tegel paikhawm uh hi.

1 KUMPI MASATE 21:13

Tua ciangin mi ginalo nihte hong pai-in ama mai-ah tu uh hi. Tua ciangin mi ginalo nihte in mite’ omin Naboth’ mawhna zong uh a, “Naboth in Pasian le kumpipa samsia hi,” a ci uh hi. Tua ahih ciangin amaute in khuapi pualamah amah paipih uh a, suang tawh amah denglum uh hi.

Siampi Laibu 24:14

“A samsia mipa pen giahphual pualamah paipih in. Ama samsiat a za mi khempeuh ama lu tungah amau’ khut ngasak inla, mihonte khempeuh amah denglumsak in.

Mattiu 10:38

Ama singlamteh mah puatawm lopi-in ka nung hong zuite kei tawh kilawm lo hi.

Mattiu 16:24

Tua ciangin Jesuh in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Mattiu 27:37

Tua ciangin amah a mawhsakna uh, “Hih pa, Jew mite’ Kumpi Jesuh ahi hi,” cihna lai gelhin ama lutang sanah a suang uh hi.

Marka 10:21

Tua ciangin Jesuh in itna tawh tua mipa enin, “Na khat bek na kisam lai hi. Pai inla, na neih khempeuh na zuak khit ciangin mizawngte tungah na sumkhotte va pia in. Tua hileh vantungah sum na hau ding hi. Tua khit ciangin ka nung hong zui in,” a ci hi.

Marka 15:26

“Jew mite’ Kumpipa,” ci-in amah a mawhsakna uh lai kigelh hi.

Marka 15:32

Israel mite’ kumpipa Khrih tu-in singlamteh tung panin hong kumsuk leh amah um ni!” a kici uh hi. Jesuh tawh a kikhai khawm mi nihte in zong a simmawhbawl uh hi.

Marka 8:34

Tua ciangin Jesuh in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.

Luka 14:27

Ama singlamteh mah puatawmin ka nung hong zui lote, keima nungzui hi thei lo hi.

Luka 23:26

Tua ciangin amaute in Jesuh paikhiatpih uh a, gam sung panin khuapi sungah a hong pai, Sairin khuami Simon a kici mi khat tawh a kituak uh hi. Amaute in tua pa manpah uh a, a singlamteh suanin Jesuh’ nung zui-in a puasak uh hi.

Luka 23:33

“Lutang Guh,” a kicihna mun a tun uh ciangin singlamteh tungah Jesuh kilhcip uh a, tua mi that mi nihte zong, Jesuh’ taklamah khat, a veilamah khat kilhcip uh hi.

Luka 23:38

“Jew Mite’ Kumpipa hi,” ci-in a kigelh lai zong ama tung sanah kisuang hi.

Luka 9:23

Tua ciangin Jesuh in a nungzuite le mi khempeuh kiangah, “Mi khatpeuh in kei hong zuihnop leh ama deihna bangin gamta nawn loin nisimin a singlamteh pua-in hong zui ding hi.

Johan 19:13

Pilat in hih bangin mite’ kikona a zak ciangin Jesuh paikhiatpih a, Hebru pau-in Gabbatha a kici Suangphahpek tunga thukhenna tokhom tungah a tu hi.

Johan 5:2

Jerusalem khuasung Tuu Kongpi a kici gei-ah Hebru pau-in Bethzatha a kici bual khat om a, tua bual kimkotah talap nga a om hi.

Sawltak 7:58

khua pualamah kaikhia-in suang gol pipi a khiat uh hi. Hih thu-ah teci pangin Stefen a deng mite in a puantungsilh uh suahin Saul a kici tangval khat kiangah lawnin a kemsak uh hi.