Johan 19:15 - Tedim Bible

¹⁵ amaute in, “That in, that in, singlamteh tungah that in,” ci-in a kiko uh hi. Pilat in, “Na Kumpipa uh that mawk ding ka hi hiam?” a cih ciangin siampi liante in, “Rom gam khempeuh a uk Kumpipa simloh kumpi dang ka nei kei uh hi,” ci-in a dawng uh hi.

Tedim Bible Revision 2017

¹⁵ amaute in, “That in, that in, singlamteh tungah that in,” ci-in a kiko uh hi. Pilat in, “Na Kumpipa uh that mawk ding ka hi hiam?” a cih ciangin siampi liante in, “Rom gam khempeuh a uk Kumpipa sim loh kumpi dang ka nei kei uh hi,” ci-in a dawng uh hi.

Johan 19:15 Iomraidhean Croise

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Mattiu 22:17

Tua ahih ciangin Rom kumpipa Sisar tungah siah i piak ding kilawm hiam, na ngaihsutna nong gen nadingin ka deih uh hi,” a ci uh hi.

Luka 23:18

Tua ciangin mihon khempeuh kiko uh a, “Amah that in! Barabbas hong khahsak in!” a ci uh hi.

Johan 18:31

Tua ciangin Pilat in, “Jerusalem khua-a om no Jew mi uliante mah in paikhiatpih unla, nomau Thukham tawh kizui-in ama tungah thu khen un,” ci-in a gen ciangin Jew mite in ama kiangah, “Kote in mi thahtheih nading thu ka nei kei uh hi,” ci-in a dawng uh hi.

Johan 19:6

Siampi liante le biakinncing palikte in a muh uh ciangin “Singlamteh tungah that in, singlamteh tungah that in!” ci-in a kiko uh hi. Pilat in amaute kiangah, “Na ut uhleh paipih unla, singlamteh tungah that un! Ke’n ama khialhna ka mu kei hi,” a cih ciangin

Sawltak 13:28

Amaute in Jesuh in sihna a thuak nadingin thukhenna a ngah nading thu mu zo lo napi uh, Pilat in thah nading thu a piak nadingin na ngen teitei uh hi.

Sawltak 21:36

Bang hang hiam cih leh mihonte in hong nungzuihin, “Amah that un,” ci-in a awng uh hi.

Sawltak 22:22

Paul in Gentail mite kianga pai nading thu a gen matengin mite in limtakin a ngai uh hi. Ahi zongin tu-a thu a pulak ciangin a aw neihzah uh tawh mite kiko-in, “Leitungah hih bang mi omsak kei un! That un! A hing dingin kilawm lo!” ci-in a awng uh hi.