Johan 18:5 - Tedim Bible

⁵ Amaute in, “Nazareth khuami Jesuh a zong ka hi uh hi,” a ci hi. Jesuh a lehhek Judas zong tua mihonte tawh hong dingkhawm hi.

Tedim Bible Revision 2017

⁵ Amaute in, “Nazareth khuami Jesu a zong ka hi uh hi,” a ci hi. Jesu a lehhek Judas zong tua mihonte tawh hong ding khawm hi.

Johan 18:5 Iomraidhean Croise

Isaiah 3:9

Amau’ maiput in amau’ langah teci pang hi. Sodom bangin amaute a langtangin gamta uh a, amaute in im lo uh hi. Amaute in gimna ngah ta hen! Bang hang hiam cih leh amaute in amau’ tung mahah siatna kitun uh hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawnkhia ding uh hi, Topa in kong ci hi.

Mattiu 2:23

Nazareth khua-ah a teng uh hi. Kamsangte in, “Amah pen Nazareth khuami kici ding hi,” ci-in a genkholhna a tun nadingin hih bangin a piang ahi hi.

Mattiu 21:11

Mihonpite in, “Galilee gam Nazareth khua pana kamsang Jesuh hi,” ci-in a dawng uh hi.

Johan 1:46

Nethanel in, “Nazareth khua panin bang hong piang peuhmah ding ahi hiam?” na cihsan hi. Ahi zongin Filip in, “Hong pai inla, hong mu dih in,” a ci hi.

Johan 18:4

Jesuh in zong ama tungah a piang ding thu khempeuh theikhin ahih manin hong paikhia-in amaute kiangah, “Kua zong na hi uh hiam?” ci-in a dong hi.

Johan 18:6

Jesuh in, “Keimah ka hi hi,” a cih ciangin amaute nungkinin a puk uh hi.

Johan 19:19

Pilat in lai khat gelhsakin, “Jew mite’ Kumpipa, Nazareth khuami Jesuh,” cisak a, singlamteh tungah a suangsak hi.