Johan 18:13 - Tedim Bible

¹³ tua kumin siampi lianpen a sem Kaiafas’ sungpa Annas kiangah a paipih masa uh hi.

Tedim Bible Revision 2017

¹³ tua kumin siampi lianpen a sem Kaiafasʼ sungpa Annas kiangah a paipih masa uh hi.

Johan 18:13 Iomraidhean Croise

Mattiu 26:3

Tua ciangin siampi lianpen Kaiafas inn-ah siampi liante le upate kikhawm uh a,

Mattiu 26:57

Tua ciangin Jesuh a man mite in siampi lianpen pa Kaiafas kiangah hong paipih uh a, tua lai-ah Thukham hilh siate le upate a kikhawm uh hi.

Luka 3:2

Annas le Kaiafas in siampi lianpen a sep laitakin sehnel gamah a om, Zekhariah’ tapa Johan’ tungah, Pasian’ thu hong tung hi.

Johan 11:49

Tua laitakin amaute sung panin tua kumin siampi lianpen a sem Kaiafas a kici mipa in, “Note in bangmah na thei kei uh hi.

Johan 11:51

Hih bangin thu a gen ciangin ama lungsim a gen hi lo a, tua kumin siampi lianpen a sem ahihna tawh Jew mite’ tangin Jesuh a si ding ahihna thu a genkhol ahi hi.

Johan 18:24

Tua ciangin Annas in Jesuh a kikhihsa mahin siampi lianpen pa Kaiafas kiangah a puak hi.

Johan 18:28

Tua ciangin Kaiafas’ inn panin gam ukpa Pilat’ omna kumpi inn-ah Jesuh a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suahtheih nadingun kumpi inn huang sungah lut lo uh hi.

Johan 19:11

Jesuh in, “Pasian in nang tungah hong pia lo hileh kei tungah thu na nei het kei ding hi. Tua ahih manin nangma khut sungah kei hong apte’ mawhna lianzaw hi,” ci-in a dawng hi.

Sawltak 4:6

Siampi lianpen a semngei Annas, siampi lianpen a sem Kaiafas, Johan, Alexander, le siampi lianpente beh mi khempeuh tawh kikhopna khat a bawl uh hi.